سرکاری ھیلی کاپٹر کیس، عمران خان دا نیب ءچ پیشی کیتے مہلت منگ گھیدی

پشاور(سرائیکی نیوز) چیئرمین پی ٹی آئی عمران نے سرکاری ہیلی کاپٹر دے استعمال کیس ءچ نیب دی طرفوں طلب کرݨ دی پیشی کیتے مہلت منگ گھیدی، چیئرمین نیب جسٹس (ر) جاوید اقبال دا ٢ فروری کوں عمران کان دی طرفوں خیبرپختونخوا حکومت دے ٢ ھیلی کاپٹرز کوں غیر سرکاری دوریاں کیتے نہایت ارزاں نرخاں تے استعمال دا نوٹس گھیندے ہووے انکوائری دا حکم ݙیتا ھا ، قومی احتساب بیورو (نیب) خیبر پختونخوا نے چیئرمین تحریک انصاف کوں اج طلب کیتا ھا۔ عمران خان دے وکیل بابر اعوان دی طرفوں نیب کوں مراسلے دے ذریعے جواب بھجوایا گیا جیندے ءچ ڈسایا گیا ھِ کہ انتخابات قریب ھن عمران خان تحریک انصاف دی انتخابی مہم دی قیادت کریندے پئے ھن ایں واسطے ١٨ جولائی کوں طے شدہ مصروفیت دی وجہہ توں انہاں دا نیب ءچ پیش تھیوݨ مشکل ھِ مراسلے ءچ آکھیا گئیا ھِ کہ انتخابات دے فوری بعد عمران کان ترجیحان نیب دے روبرو پیش تھئی ویسی۔