کراچی ۔26مئی (اے پی پی) وزیراعظم محمد شہباز شریف آکھیا جو ملک دی ترقی تے خوشحالی دا راز اتحاد تے یکجہتی اچ اے، ملک دی ٻیڑی کوں ٻنے لیسوں، اوکھ اتے چیلنجز دے باوجود اساں حوصلہ نی ہاریا۔اتحادی جماعتاں دے آپسی مشورے، کابینہ اتے پارلیمان اچ اتحاد تے اتفاق گزریل ہک سال اچ کیتی ڳی سازشاں کوں دفن کر ݙتے جئیں دے تانے بانے سمندر پار ہن، نو مئی کوں شرپسنداں عمران خان دے اکساوݨ تے فوجی تنصیبات تے حملے کیتے، ایندے ذمہ واراں کوں سزا ݙتی ویسی۔ جمعے کوں کے فور منصوبے دی منڈھ بدھݨ دی تقریب توں خطاب کریندیں ہوئیں وزیراعظم آکھیا جو ایں تقریب اچ خوشی تھئی اے جو شہر دی ݙو ݙی جماعتاں پاکستان پیپلز پارٹی اتے ایم کیو ایم جو وفاق اچ حکومت دا حصہ ہن، انہاں دے زعماء دل توں مٹھی ڳالھیں کیتن۔ انہاں آکھیا جو کے فائیو کیتے پاݨی دی فراہمی اچ مسائلے ہن، 1991 دے پاݨی دے معاہدے اچ کراچی کیتے اگر اںج کوئی ڳالھ کیتی ڳی تاں اونکوں ݙیکھسوں۔ انہاں آکھیا جو نو مئی دے واقعے تے اساں قائد توں شرمندہ ہیسے۔ اگر کیپیٹل ہل تے حملے دے ذمہ واراں دی سزائیں جائز ہن تاں نو مئی دے واقعے تے زمہواراں کوں قانون دے مطابق سزائیں ملدن تاں کہیں کوں ایں تے اعتراض نی ہووݨا چاہیدا۔
ملک دی ترقی تے خوشحالی دا راز اتحاد تے یکجہتی اچ اے، ملک دی ٻیڑی کوں ٻنے لیسوں، اوکھ اتے چیلنجز دے باوجود اساں حوصلہ نی ہاریا، وزیراعظم شہباز شریف دا کے۔فور منصوبے دے منڈھ بدھݨ دی تقریب توں خطاب
