Advertisment
Advertisment
کھیڈ

وی سال توں ودھ کرکٹ کھیڈن دے بعد بورڈ توں الوداعی میچ منگن زیب نی ڈیندا، شاہد آفریدی

Advertisment
Advertiesment

پشاور ( سرائیکی نیوز 26 دسمبر2016) قومی ٹیم دے کپتان شاہد آفریدی نے پاکستان کرکٹ بورڈ کوں کھری کھری سنٹراں ڈیتی، آدھن کہ وی سال توں کرکٹ کھیڈن دے بعد زیب نی ڈیندا کہ پی سی بی توں الوداعی میچ منگاں ، کرکٹ چھوڑن دے واسطے میں کہیں الوداعی میچ دا محتاج کینی۔ پشاور اچ میڈیا نال گالھ مہاڑ کریندے ہووے شاہد آفریدی نے آکھیا کہ ملک اچ ۲۰ سال توں کرکٹ کھیڈن دے بعد پاکستان کرکٹ بورڈ توں الوداعی میچ منگن میکوں زیب نی ڈیندا، تِ میکوں کرکٹ کوں خیر آباد آکھن واسطے ھک میچ دا محتاج نا سمجھا ونجے،
میں پی سی بی دے واسطے کرکٹ کینی کھیڈی ملک دے واسطے کھیڈی ھِ تِ عوام میکوں وی بہوں چاھندن تِ پیار ڈیتے جو میڈے واسطے کافی ھِ

سیاست اچ آون دے سول تِ آل راونڈر دا آکھن ھِ کہ فی الحال ایہو جیئا کوئی ارادہ کینی، سیاست داناںدا کم عوام دی خدمت کرن ہوندے تِ او اپنڑی فاونڈیشن دے ذریعے اے کم کریندے پئے ھن

پاک بھارت سیریز دے حوالے نال شاہد آفریدی دا آکھن ھِ کہ پاکستان نے بھارت دے نال سیریز دے واسطے ہمیشہ طرفداری ڈیکھائی ھِ جبکہ بھارت دی طرفوں کڈھیں جھکاو دا مظاہرہ ڈیکھن اچ نی ملیا، بی سی سی آئی اپنڑیں سیاست داناں دی سنڑدا ھِ ایکوں چاھیدے کہ یا تاں او انہاں دی سنڑے یا ھک علیحدہ آرگنائزین بنڑاں تِ کرکٹ کوں فروغ ڈیوے قومی ٹیسٹ ٹیم دینیوزی لینڈ اچ حالیہ شرمناک کارکردگی دے حالے نال سوال تِ فردی دا آکھن ھِ کہ گرین شرٹس جیئں ویلے تک دبئی تِ ابو ظھبی دے گراونڈز تِ مسلسل کرکٹ کھیڈی رھاسی ایں وقت تک آسٹریلیا تِ نیوزی لینڈ کوں شکشت ڈیون بہوں مشکل ھِ
کرکٹ بورڈ چنگی طرح پیچ بنڑاں تِ کھلاڑی تیارکریندے تِول ٹیم نیوزی لینڈ تِ آسٹریلیا بھیجیندے، ایشین کرکٹ کونسل دے بارے اچ ھک سوال دے جواب تِ آفریدی نے آکھیا کہ ایشیا اچ ارباں دی تعداد اچ کرکٹ شائقین موجود ھن جو دنیا اچ سب توں زیادہ ھن، ایشین بلاک ۵۰ سال پہلے بن ونجنڑاں چاھیدا ھا۔

Advertisment
Advertisment

Related Articles

Leave a Reply

Your email address will not be published. Required fields are marked *

Back to top button

Adblock Detected

مہربانی فرما تے اپنڑیں بروزر توں ایڈبلاک سیٹنگ توں ویب سائٹ ھٹاو تاکہ ویب سائٹ تساں تک مکمل پھج سکے