گومل یونیورسٹی ملک دی نامور تے صوبے دی پرانڑی یونیورسٹی ھِ، سید فدا حسین شاہ

مادر علمی دے نا صرف ایں خطے بلکہ پورے ملک تے فروغ تعلیم دے حوالے نال احسانات ھن، گورمل یونیورسٹی دے بک فیئر دے موقع تے اظہار

ڈیرہ اسماعیل خان (سرائیکی نیوز ۔ ملک بلال احمد) ریجنل پولیس آفیسر ڈیرہ سید فدا حسن شاہ نے آکھیا ھِ کہ گومل یونیورسٹی ملک دی نامور تے صوبے دی پرانڑی یونیورسٹی ھِ ایں مادر علمی دے نا صرف ایں خطے بلکہ پورے ملک تے فروغ تعلیم دے حوالے نال احسانات ھن انہاں خیالات دا اظہار انہاں گومل یونیورسٹی دے تریجھے بک فیئر دے موقع تے کیتا گومل یونیورسٹی دے رجسٹرار دل نواز خان ، یونیورسٹی سنڈیکٹ دے ممبر ریحان ملک روڈی خیل ، کنٹرولر امتحانات اسلم پرویز خان گنڈہ پور ڈپٹی رجسٹرار ریاض بیٹنی تے دیگر انتظامی شعبہ جات دے سربراھان تے طلبہ وی ایں موقعے تے موجود ھن انہاں نے آکھیا کہ علمی سرگرمیاں دا فروغ قوماں دی زندگی اچ بنیادی کردار ادا کریندا ھِ وائس چانسلر گومل یونیورسٹی دی علم دوست سرگرمیاں قابل ستائش ھن اساں ایں مادر علمی واسطے یونیورسٹی انتظامیہ نال بھرپور تعاون کریسوں، انہاں نے آکھیا کہ کتاباں نال دوستی کرن والے کڈھیں کلھے تھیون دا شکار نی تھئی سکدے اساں کوں کتاب کلچر کوں پروان چڑھاونڑاں ہوسی کیونکہ کتب بینی دا اپنڑاں سرور ھِ گومل یونیورسٹی دے طلبہ خوش قسمت ھن کہ انہاں دے گھر دے اندر معیاری کتب فرام کیتیاں ویندیاں پئیاں ھن کتاب میلہ دے انعقاد نال نویں نسل کوں کتاباں دے نال جوڑن دی سرگرمیاں اچ مدد ڈیسی ایں میلے اچ ہم نصابی کلطر کوں فروغ ملسی ایں موقع تے وائس چانسلر نے انہاں کوں خصوصی شیلڈ پیش کیتی۔