ریس لاوݨ توں انکار تے سیلاں چل گئیاں
ڈیرہ اسمعیل خان(سرائیکی نیوز) ریس لاوݨ توں انکار تے سیلاں چل گئیاں، تفصیل دے مطابق تریھ بندیاں نے موٹر سائیکل مکینک سمیت ݙو بندیاں کوں لتاں تے مکیاں تے سیلاں مار مار تے زخمی کر ݙیتا، انہاں دے خلاف مقامی تھانڑاں کینٹ نے رپورٹ درج کر گھیدی ، طارق نامی موٹر سائیکل مکنیک تے حملہ تھیا تے انہاں کوں زدکوب کر تے زخمی کر ݙیتا جبکہ ایکوں بچاوݨ کیتے محلے دار دکاندار اگوں تے ودھا تاں ملزمان نے ایکوں وی زدوکوب کیتا ملزمان انہاں کوں زخمی کر تے بھج گئے ، ڈونہاں زخمی کوں فوری طور تے ھسپتال منتقل کر ݙتیا گئیا ، موٹر سائیکل مکینک طارق نے پولیس کوں ݙسایا کہ او اپنری دکان ءچ ھا کہ صمد نامی بندہ اپنڑیں پتر تے ھک نامعلوم بندے دے نال آیا تے ایکوں لتاں تے مکیان تے سیلاں مار تے زخمی کر ݙیتا جبکہ نال والے دکاندار خلیل ایکوں چھڑواوݨ کیتے اُتھاں آیا تاں انہاں وی ایکوں زدوکوب کیتا زخمی نے پولیس کوں وجہہ پرانڑی دشمنی ݙسائی کہ ملزم صمد دا چھوٹا پتر مانی میݙے کول آیا ھا تے اپنڑین موٹر سائیکل ریس وا سطے میکوں مجبور کرݨ لگا میں انکار کر ݙیتا جیندے باوجود او بضد رھیا تے جیندی وجہہ توں تلخ کلامی تھیووݨ تے میں تھپڑ مار تے اکوں ونجݨ کوں آکھیا ایندے بعد ایندا پیو ، بھیرا تے انہاں دے نال نامعلوم ساتھ نے حملہ کر تے اساں کوں زخمی کر ݙیتا ، پولیس نے ملزمان پیو پتر سمیت تریھ بندیاں دے خلاف رپورٹ درج کر گھیدی
