عمران خان دی حکومت سودے بازی کرݨ نی آئی، شاہ محمود قریشی

ملتان(سرائیکی نیوز) وزیر خارجہ شاہ محمود قریشی دا آکھݨ ھا کہ پاکستان افغان امن مذاکرات کرواݨ ءچ کامیاب تھئی گئیا ھِ جو وڈی سفارتی کامیابی ھِ دنیا نے پاکستان دے موقع کوں تسلیم کیتے ، عمران خان دی حکومت پاکستان کیتی مفادات دا سودا نا کریسی، ملتان ءچ سرائیکی نیوز نال گالھ مہاڑ کریندی ہووے انہاں دا آکھݨ ھا کہ مسائل دا حل تے تجارتی سرگمیاں دا فروغ چاھندے ھیں افغانستان ءچ امن اساݙی ضرورت ھِ جنگ مسئلے دا حل کینی کیونکہ ایندے نال امن نا آسی۔ اساں افغانستان تے امریکا کوں ھک میز تے گھن آئسے جو وڈی کامیابی ھِ آوݨ والے ڈینہاں ءچ مزید خوشخبریاں ملسن، انہاں آکھیا کہ پاکستان اپنڑاں کردار ادا کر ݙیتے تے ایں حوالے نال دنیا دا پاکستان دا موقف تسلیم کیتا ھِ امریکا نال تعلق دی بحالی پاکستان دی سفارتی کامیاب ھِ شہباز شریف دے بچور چیئرمین پبلک اکاونٹس کمیٹی تعیناتی تے تنازع تے شاہ محمود قریشی دا آکھݨ ھا کہ مسلم لیگ نے آکھیا ھاکہیں بئے کوں نامزد کریتا ونجے ، چیئرمین پی اے سی کیتے کہیں ایہو جئے بندے کوں نامزد کرنا چاھیدا ھ جیندے خلاف نیب ءچ مقدمات نا ہوون، پیپلز پارٹی سندھِ ءچ اپوزیشن لیڈر کوں پی اے سی سربراہ بنڑاوݨ کوں تیار کینی۔

شاہ محمود قریشی نے آکھیا کہ پی اے سی دا چیئرمین اپوزیشن توں ہونڑاں چاھیدا ھِ لیکن اپوزیشن دے رویئے دی وجہہ توں اسمبلی کارروائی اگوں نی ودھدی پئی ، اپوزیشن اپنڑاں موقف ضرور پیش کرے لیکن ہلڑ بازی نا کرے عمران خان دی حکومت سودی بازی کرݨ نی آئی اساں پاکستان دے مفادات دا سودا نا ماضی ءچ کیتے نا ھن کریسوں انہاں مزید آکھیا کہ ٣ تاریخ کوں لندر ویندا پیا ، برطانوی ایوان نمائندگان ءچ کشیر دے مسئلے تے پاکستان دا موقف انہاں دے سامنڑیں رکھیساں