ݙیرہ اسمعیل خان گورنمنٹ سکول دے ١٦ کنال گراونڈ تے پرنسپل گندم کاشت کروا ݙیتی

ݙیرہ اسمعیل خان ( سرائیکی نیوز۔ ملک بلال سپرا) گورنمنٹ ھائی سکول کورائی اچ طلباء دے کھیڈن کیتے میدان کھیت اچ تبدیل، میدان اچ گندم دی فصل کاشت کر ݙیتی گئی ، اہلیان علاقہ دا اعلی حکام توں فوری نٹس گھنݨ دا مطالبہ تفصیل دے مطابق گورنمنٹ ہائی سکول کوراعی ١٦ کنال تے مشتمل ھِ تے ایں سکول دے میدان اچ پرنسپل نے گندم وھا ݙیتی ھِ جیندی وجہہ نال میدان ویران تھئی گئے غیر نصایب سرگرمیاں دے نال بال محروم تھئی گئے ھن اگر کھیڈ دے میدان آباد ہوسن تاں ہسپتال ویران ہوسن ، لیکن ایتھاں نظام الٹا تھئی گئے، اہلیان علاقہ نے وزیر اعلی خیبر پختونخواہ پرویز خٹک ، صوبائی وزیر تعلیم تے کھیڈ توں مطالبہ کیتے کہ فوری طور تے ایندا نوتس گھیدا ونجے تے سکول دے کھیڈ دے گراونڈ کوں کھیڈاں واسطے آباد کیتا ونجے۔