شگر ملز مالکان دا کاشتکاراں تے زمیدناراں کوں جبری طور تے اقرار نامہ بھرن تے زور

0
349

شگر ملز مالکان دا کاشتکاراں تے زمیدناراں کوں جبری طور تے اقرار نامہ بھرن تے زور

زمینداراں تے کاشتکاراں نے آکھیا کہ اساں اقرار نامہ وی بھر کوں ڈیون واسطے تیار ھیں لیکن بدلے اچ ملز مالکان وی اے لکھ تے ڈیون کہ اے پیسے ڈیسن

پروا(سرائیکی نیوز۔ بلال احمد سپرا) شوگر ملز انڈسٹریز دی طرفوں کاشتکاراں تے زمینداراں کیتے اقرر نامہ جاری ، چشمہ شوگر مل دے بعد ھن میرن شوگر مل توں جاری کیتا گئیا جیندے اتے کاشتکاراں تے زمینداراں کوں پوری رضامندی دے نال 150 روپے فی من دے حساب نال رقم گھن واسطے انگوٹھا دے دستخن کرنا ہوسی اگر زمیندار اے کم کرن دا قائل کینی تاں ایندے انڈنٹ تے کاپی نمبر بند کر ڈیتے ویسن جئیں تے زمینداراں نے شدید رد عمل دا اظہار کریندے ہووے آکھیا کہ ایں فارم کو ڈیون واسطے تیار ھیں اگر شوگر ملز افسران وی اساں کوں ایں قسم دا اقرار نامہ لکھ تے ڈیون کہ او ہر زمیندار کوں روز انڈنٹ ڈیون دے قابل ہوسن، کیونکہ گزشتہ کجھ ڈنہوار پہلے تحصیل ناظم دی سرپرستی اچ بنڑائی گئی کمیٹی نے وی ملز حکام نال مزاکرات کیتے پنجاب دے گنے تے پابندے دے باوجود ھن وی دریا خان تے قمبر پل توں سپلائی تھیندا پیئا ھا، کاشتکار برداردی دا آکھن ھا کہ ھن تک انڈنٹ دا اوہو حال ھِ تے چاراں طرف اساں کوں ساوا باغ ڈکھایا ویندا پئے ڈو پیمٹ دے حوالے نال زمینداراں دا آکھن ھا کہ ھک بندے دی کاپی نمبر اگر پنجھ لوگاں نے گنا بھیجا ھِ تاں سبھ دی مشترکہ رقم ایہو ھک بندے کوں ھی ڈتی ویندی پئی ھِ او شخص ڈوجہیاں کوں اپنڑیں حصے توں رقم ڈوے یا نا ڈیووےایندی مرضی او شوگر ملز اچ سبھ کجھ مکمل کر آئیا ھِ ایں سلسلے اچ ڈوجہا بندہ ملز اچ ونجن تے اے آکھن واسطے کہ فلاں بندے دا ناں میں گنا ڈیتا ھا میڈی رقم ایں تے ملز حکام دا آکھن ھِ کہ او یعنی کاپی دا مالک ساری رقم گھن گئے انہاں دے کون ونجو جئیں ویلے دوبارہ ایندے کول ونجو تے آکھیندے کہ میڈی رقم ڈو تاں جواب اچ کاپی مالک دا آکھن اے ہوندے کہ تساں کوں کیئں نے آکھا ھا کہ میڈے بک نمبر تے گنا ویچو، ٣ شوگر ملاں دی طرفوں اے وے اطلاعات آندیاں پئیاں ھن کہ اگر پشاور ھائی کورٹ اچ اساڈے خلاف دائر کیتی گئی درخواست کوں واپس نا گھیدا گئیا تا مل بندش دے امکانات تھئی سکدن۔ کاشت کاراں تے زمینداراں نے اعلی حکام توں مطالبہ کیتا کی فی الفور کارروائی کیتی ونجے تے اساں انہاں ملز مالکان توں نجات ڈیوائی ونجے تے اساڈے ہتھ پیر بدھ تے اگر ملز مالکان چاھندن کہ اساں کجھ نا ڈیوں اے ممکن کینی انہاں کوں پابند کیتا ونجے اساں برباد تھئی گئے ھیں گنا وی رلدا پئے تے اگر ھک ناں تے گنا ڈیوں تاں اساڈے پیسے وی رل ویندن۔

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.