تعمیر میکرو فنانس بینک دا سود دی قسط ادا نا کرݨ تے بندے تے تشدد، بیوی فریاد کریندی رھے گئی

0
298

خان پور (سرائیکی نیوز۔ ذیشان انور) تعمیر میکروفنانس بینک منیجر نے قرض دی رقم جمع نا کرواوݨ تے مدینہ ٹاؤن دے رھائشی محمد ساجد کوں گھر توں چا تے تشدد دا نشانہ بنڑاوݨ دے بعد بینک اچ قید کر ݙیتا، شاجد دی بیوی اپنڑیں بالاں دے نال ہتھ جوڑیندے ہووے بینک منیجر دی منت سماجت کریندی رہی بینک ٹائم ختم تھیون دے بعد وی محمد ساجد کوں رھیا نا کیتا گئیا تھانڑاں سٹی پولیس نے موقع تے پھج تے محمد ساجد کوں بینک توں باز یاب کروایا ساجد دی طبعیت خراب تھیون تے ریسکیو ١١٢٢ دے ذریعے تحصیل ھیڈ کوارٹر ھسپتال منتقل کر ݙیتا گئیا ھِ بینک منیجر موقع توں فرار تھئی گئیا جبکہ پولیس نے بینک اچ موجود ھک ملزم کوں گرفتار کر گھیدا ، محمد ساجد دی بیوی دا آکھن ھا میڈے شوہر ساجد نے بینک توں ھک لکھ روپے دی رقم سود تے گھیدی ھائی اصل رقم توں زائد بینک کوں واپس ڈے چکے ھیں سود دی قسط نا ڈیون تے میڈے شوہر کوں بینک منیجر عمر اعجاز تے جام منیر نے اپنڑیں ملازمین دے ذریعے زبردستی گھر توں اغوا کر تے بینک گھن آئے ١٠ گھنٹے تشدید دا نشانہ بنڑیندے رھے تے بینک اچ قید کر گھیدا تے آکھیا کہ قسط دی رقم گھن تے آو تاں اپنڑیں شوہر کوں گھن تے ونجو، تھانڑاں سٹی پولیس نے ھک بینک ملازم کوں گرفتار کرن دے بعد مزید تفتیس شروع کر ݙیتی۔

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.