٤٤ انچ دی سوگیس لائن دا افتتاح، ھک کروڑ دی لاگت آسی
صادق آبا د(سرائیکی نیوز۔ محمد رمضان تھہیم) وارڈ نمبر 44 اچ نویں سوئی گیس لائن دا افتتاح، تفصیل دے مطابق ھک کروڑ دی لاگت نال پاتی ونجن والی نویں گیس لائن حق ٹاون توں سلطان ٹاون تک پاتی ویسی۔ ایندی لمبائی تیراہ کلو میٹر تک ہوسی۔ گیس لائن دا افتتاح وفاقی وزیر مملکت سردار ارشد خان لغاری دے ترجمان میاں فرھاد علی نے کیتا۔ صادق آباد نویں سوئی گیس لائن کونسلر حاجی زاہد مہروی دی درخواست تے وچھائی ویندی پئی ھِ ، حاجی زاہد مہر نے آکھیا کہ وفاقی وزیر مملکت سردار ارشد خان لغاری نے ضلعی چیئرمین سردار اظہر خان لغاری دے وارڈ نمبر 44 دی عوام نال کیتا وعدہ اج پورا کر ݙیتا۔
