اقوام متحدہ دا پائیدار ترقی اہداف سانگے نجی شعبے دا کردار ودھاوݨ تے زور
اقوام متحدہ ۔22ستمبر (اے پی پی):اقوام متحدہ عالمی اہداف دے سانگے نجی شعبے دی اہمیت تے زور ݙتے ۔اقوام متحدہ دے سیکرٹری جنرل انتونیو گوتیرس آکھیے جو پائیدار ترقی دے اہداف گھنݨ کیتے نجی شعبہ کلیدی حیثیت رکھیندے ۔ انہاں 7ویں سالانہ ایس ڈی جی بزنس فورم کیتے ویڈیو پیغام اچ آکھیے جو عالمی اہداف دے حصول اچ نجی شعبے ٻہوں اہمیت رکھیندن، انہاں تقریب دے منتظمین دی طرفوں پائیدار ترقی دے اہداف گھنݨ کیتے نجی شعبے دی شرکت دی کوشش دا خیرمقدم کیتا۔ انہاں آکھیے دنیا جھیڑے ، وبائی امراض، موسمیاتی تبدیلیاں جیہے بحراناں دی وٹھ اچ اے ۔زندگی تے معاش دے ذرائع ،شدید موسمی واقعات،چیزاں دی ترسیل اچ خلل، مہانگ اتے مسلسل ودھدی عدم مساوات پاروں تباہ تھئن ۔
