صادق آباد، ریٹائر محمد اشرف کوں ٦ ماہ توں پنشن نا ملی

صادق آباد(سرائیکی نیوز۔ اسد علی لاڑ) صادق آباد تو ریٹائر تھیوݨ والے محمد اشرف گرداور نے پنشن دی بندش دیخلاف اپیل کر ݙیتی، تفصیل دے مطابق محمد اشرف ١٢ فروری ٢٠١٩ کوں ماچھکہ تحصیل صادق آباد توں ریٹائر تھیا ، ریٹائر تھیوݨ دے بعد ادارے دے کافی چکر لائے لیکن کہیں ایندی ھک نا سنڑی محمد اشرف نے اے سی دفتر ءچ پنشن دی بندیش دے خلاف اپیل دائر کر ݙیتی، اپیل ءچ موقف اختیار کیتا گئیا کہ میڈے کول میڈی پرسنل سروس بک ھِ جو فائل ھِ او وی گم کر ݙیتی گئی ھِ چکر لا لا تے تھک گئیا کوئی گالھ سنڑں کوں تیار کینی محمد اشرف نے اپنڑی اپیل ءچ چیف جسٹس پاکستان ، وزیر اعلی سردار عثمان بزدار ، ڈاکٹر شہباز گل ، ڈی سی او رحیم یار خان جمیل احمد جمیل تے اے سی سی صادق آباد محمد کاشف ڈوگوں توں اپیل کیتی کہ میکوں انصاف ڈیتا ونجے میڈا گزران واحد پنشن ہے جو کہ ریٹائرمنٹ دے بعد توں میکوں نی ملی۔ محمد اشرف درخواست کیتی کہ میں جگر دے مرض ءچ مبتلا ھاں پنشن دے علاوہ کوئی بیاء زریعہ ذمدن کینی ، کہ علاج کروایا ونجن سکے میڈی سنڑی ونجے۔