ہسپتال دءِ نقصان کون ٹھیک کرݨ دی ھدایت لیکن تباہ تھیوݨ والی ڈاکٹراں دی گڈیاں دا ازالہ کون کریسی؟ عثمان بزدار
لاہور(سرائیکی نیوز ۔ آن لائن ) گزرن ݙینھوار وکیلاں تے پنجاب انسٹی ٹیوٹ آف کارڈیالوجی تے حملہ کیتا گئیا جیندے دوران بھج تروڑ تھئی ڈاکٹر ہسپتال چھوڑ تے ونجݨ تے مجبور تھئی گئے جئیں وجہہ توں طبی امداد نہ ملݨ تے ست مریض جان دی بازی ھار گئے تاہم پولیس تے رینجرز نے کنٹرول سنبھلیندے ہوئے وکیلاں کوں ھٹکیا، تفصیل دے مطابق صورتحال کو ݙیکھدے ہووے وزیر اعلی پنجاب عثمان بزدار اسلام آباد ءچ میٹنگ چھوڑ تے ھنگامی بنیاداں تے لاہور پھجے جیتھاں انہاں دی زیر صدارت کابینہ کمیٹی دا اھم اجلاس تھئیا اجلاس ءچ وزیر اعلی پنجاب کوں پی آئی سی ءچ وکیلاں دی ہنگامی آرائی تے بھج تروڑ دے بارے آگائی رپورٹ ݙیتی گئی ، ایڈیشنل چیف سیکریٹری داخلہ نے افسوس ناک واقعے دی رپورٹ پیش کیتی وزیر اعلی دا آکھݨ ھا کہ پسپتال کوں پھجݨ والے نقصانات کو بلاتاخیر درست کیتا ویسی ، اساݙی پہلی ترجیح مریضاں کوں طبی سہولتاں دی فراہمی ھِ ہسپتال ءچ علاج دی سروس کوں نا روکا ونجے ڈاکٹراں دی گڈیاں کوں پھجݨ والے نقصان دا ازالہ کیتا ویسی حکومت ایں ضمن ءچ معاوضہ ݙیسی۔
عثمان بزدار گالھ مہاڑ کریندے ہووے آکھیا کہ حکومت دی رٹ کوں ہر صورتحال بحال رکھا ونجے پی آئی سی ءچ وکیلاں دی ھنگامہ آرائی تے بھج تروڑ غیر قانونی عمل ھِ جنہاں وکیلاں قانون ہتھ ءچ گھیدا ھِ انہاں دیخلاف قانونی کارروائی تھیسی ۔ ڈاکٹراں ، پیرا میڈیکل اسٹاف ، مریضان تے انہاں دے نال لواحقین نال جو سلوک تھئے او کہیں صورت قابل برداشت کینی ، جنہاں دے نال زیادہ تھئی ھِ انہاں دے نال کھڑے ھیں
انہاں آکھیا کہ ھنگامی آرائی دے دوران علاج نہ ملݨ نال کجھ مریض جاں بحق تھئن جئیں تے دلی ݙوکھ تے افسوس ھِ حکومت دی ھمدردیاں جاں بحق مریضاں دے لواحقین دے نال ھن ، صوبائی وزیر فیاض الحسن چوھان تے تشدد دا واقعہ افسوس ناک ھِ اساݙی ساری ھمدردیاں مظلوماں دے نال ھن ایں واقعے تے نا صرف انصاف تھیسی بلکہ نظر وی آسی ، انہاں آکھیا کہ قانون دے تحت انہاں کوں ضرور سزا ملسی سی سی ٹی وی کیمیراں دی مدد نال ہسپتال ءچ ھنگامی آرائی تے تشدد دے ذمہ داراں دی نشاندھی کیتی ویسی ، ذمہ داراں دیخلاف قانون دے تحت مقدمات درج کیتے ویسن ۔
