پاکستان تے حملہ کیتا تاں اے مودی دی آخری غلطی ہوسی، وزیر اعظم
مودی کہیں غلط فہمی ءچ نا رھاوے، پاکستان تے حملہ کیتا تاں ایندی آخری غلطی ہوسی، وزیر اعظم
مودی غلط فہمی ءچ نا رھاوے ، پاکستان تے حملہ کیتا تاں اے ایندی آخری غلطی ہوسی، اللہ تے ایمان رکھ تے پیش گوئی کریندا کہ ھݨ کشمیر آزاد تھیسی، عمران خان
وزیر اعظم عمران خان نے بھارتی وزیر اعظم نریندر مودی دے پاکستان کوں ݙھا روز ءچ فتح کرݨ دے بیان دا جواب ݙیندے ہووے آکھیا ھِ کہ مودی دا پاکستان کوں فتح کرݨ دی کوشش ایندی آخری غلطی ہوسی۔
آزاد کشمیر دے شہار میر پور ءچ کشمیریاں نال اظہار یکجہتی کیتے منعقد کیتے گئے جلسے نال خطاب کریندے ہووے عمران خان دا آکھݨ ھا کہ میں اج میر پور ھک خاص وجہہ نال آیا ھاں ، مقبوضہ کشمیر ءچ اساݙے ٨٠ لکھ بھینڑیں ، بال ، بزرگ، ، نینگر جئیں مشکل ترین امتحان توں گزردے پئن ، اج دے جلسے دا مقصد انہاں کوں پیغام ݙیونڑاں ھا کہ سارا پاکستان مقبوضہ کشمیر دی عوام دے نال کھڑے۔
انہاں دا آکھݨ ھا کہ اللہ دا فرمان ھِ کہ ہر مشکل ویلے دے بعد آسانی ھِ اللہ دے نزدیک سبھ توں مقول عمل مشکل ویلے ءچ صبر کرݨ ھِ تےمیں کشمیر دی عوام کوں پیغام ݙیوݨ چاھندا ھاں کہ تساں کیتے چنگا ویلا آوݨ والا ھِ
انہاں آکھیا کہ نریندر مودی نے ٦ ماہ پہل تکبر ءچ حماقت کیتی ھائی تے ایندی غلطی دی وجہہ دی میں پیش گوئی کریندا ھاں کہ کشمیر ھݨ جلد آزاد تھئی ویسی۔
انہاں آکھیا کہ ٥ اگست تول پہل دنیا کشمیر کوں بھل چکی ھائی ، کوئی ناں ھی نا گھیندا ھائی کشمیر دا ، ھݨ پچھلے چھی مہینے ءچ کشمیر دا مسئلہ بین الاقوامی سطح تے آ گئیا ھِ
وزیر اعظم دا آکھݨ ھا کہ بھارت نے دنیا کوں ہمیشہ ایہو آکھے کہ کشمیر پاکستان تے انہاں دا اندرونی مسئلے ھِ جئیں ویلے اساں گالھ کریندے ھاسے تاں آکھا ویندا ھا کہ مقبوضہ کشمیر دی گالھ نہ کرو آزاد کشمیر دی گالھ کرو جبکہ پاکستان دے اسلامی ملک ءچ دوست وی کشمیر دی گالھ نا کریندے ھن۔ انہاں آکھیا کہ مودی نے نفرت کھینڈا تے خود کوں چوکیدار ݙسیندے ہووے بالاکوٹ ءچ اساݙے درخت شہید کر تے دہشت گرد امرݨ تے اساݙے ݙو جہاز ڈھاوݨ دا دعوی کر تے انتخابات کو بھاری اکثریت نال جیتا جیندے بعد ایں نے تکبر ءچ ٥ اگست دا قدم چاتا انہاں آکھیا کہ اساں پر امن رھاوݨ دا فیصلہ کیتا تے ایندی وݙی مچھاں والے پائٹ کوں واپس کر ݙیتا لیکن ول وی نیندر مودی ساری انتخابی مہم ءچ پاکستان کوں گندا آکھݨ توں باز نا آیا انہاں آکھیا کہ مودی نے اپنڑی انتخابی مہم نفرت تے چلائی تے نفرت تے ووٹ گھنݨ والا ہمیشی تباہ و برباد تھیندے
