ݙیرہ اسمعیل خان، پولیس ویگن دے نیڑے ڊھماکا، ھک اھلکار شہید

ݙیرہ اسمعیل خان ءچ پولیس ویگن دے نیڑے امپرووائسݙ ایکسپلوزو ݙیوائس (آئی ای ڈی ) دے دھماکے ءچ ھک اھلکار شہید جبکہ ٢ زخمی تھئی گئے ۔ ڈسٹرکٹ پولیس افسر (ڈی پی او ) واھد محمود نے ݙسایا کہ کلاچی دے علاقے ءچ پولیس موبائل دے نیڑے دھماکہ سویرے تقریبان ٧ وج تے ٥٠ منٹ دے نیڑے تھیا، انہاں ڈسایا کہ دھماکے ءچ جئیں پولیس موبائل کوں نشانہ بنڑایا گئیا او پولیو ٹیم دی سیکیورٹی تے مامور ھائی، ڈی پی او دے مطابق دھماکے دے نتیجے ءچ ھک پولیس اھلکار شہید جبکہ ٢ زخمی تھئ گئے جنہاں کوں طبی امداد کیتے ݙی ایچ کیو ہسپتال منتقل کر ݙیتا گئیا۔