عالمی برادری پاکستان جئے غریب ملکاں دءِ قرضے معاف کرݨ تے غور کرے
وزیر اعظم عمران خان نے خدشہ ظاہر کیتا ھِ کہ کورونا وائرس ترقی پذیر ملکاں دی معیشتاں کوں تباہ کر سکدا ھِ متنبہ کیتا کہ امیر معیشتاں دنیا دے غریب ملکاں دے قرضے معاف کرݨ دی تیاری کرن، وزیر اعظم عمران خان نے عالمی برادری تے زور ݙیتا کہ کورونا وائرس نال لڑدے پاکستان وانگوں غریب ملک جو بہوں کمزور ھن انہاں کیتے کجھ قرضے معاف کرݨ تے غور کیتا ونجے ، امریکی خبر رساں ادارے ایسوسی ایٹڈ پریس کوں خصوصی انٹرویو ݙیندے ہووے وزیر اعظم دا آکھݨ ھا میکوں غربت تے بکھ تے تشویش ھِ قرضیاں دی کمی نال گھٹ توں گھٹ اساں کورونا وائرس تے قابو پاوݨ ءد مدد ملسی۔
اپنڑیں تشویش دا اظہار کریندے ہووے وزیر اعظم دا آکھݨ ھا کہ میکوں پریشانی ھِ اگر پاکستان ءچ وائرس کھنڈݨ شروع تھئی گئیا تے ڈھاندی ہوئی معیشت کوں اپنڑیں پیراں تے کھڑا کرݨ کیتے جو کوششاں اساݙی حکومت نے کتیاں ھن او ضائع نہ تھئی ونجن۔ وزیر اعظم نے مزید آکھیا کہ برآمدات گھٹ تھئی ویسی ، بے روزگاری ءچ اضافہ تھیسی تے ملکی قرضیاں دا بوجھ ناقابل برداشت تھئی ویسی۔ گالھ کوں جاری رکھیندے ہووے وزیر اعظم دا آکھݨ ھا کہ اے صرف پاکستان نی بلکہ میڈے خیال ءچ بھارت ، برصغیر تے افریقی ملکاں کیتے وی ایہا صورتحال ہوسی۔ وائرس دا حوالہ ݙیندے ہووے وزیر اعظم دا آکھݨ ھا کہ اگر اے مزید کھینڈ ویندے تاں اساں صحت دی سہولتاں دے حوالے نال مسائل دا شکار تھئی ویسوں، اساݙے کول اتنی صلاحیت ھی کینی نا ھی اساݙے کول اتنے وسائل ھن۔
