چیف جسٹس قاسم خان جوڈیشل افسران، رجسٹرار لاہور ہائیکورٹ سمیت48 سیشن جج و 7سول ججاں دے تبادلے
چیف جسٹس قاسم خان جوڈیشل افسران، رجسٹرار لاہور ہائیکورٹ سمیت48 سیشن ججز و 7سول ججز دے تبادلے
لاہور ۔ نویں چیف جسٹس لاہور ہائیکورٹ مسٹر جسٹس قاسم خان خمیس کوں اپنڑے عہدہ سنبھلیندے ہی رجسٹرار لاہور ہائیکورٹ سمیت عدالت عالیہ دے بہوں سارے جوڈیشل افسران ، پنجاب دے48 سیشن ججز اتے لاہور دے 7سول ججز دے تبادلے کریندے ہوئیں وختی نوٹیفیکیشن وی جاری کرڈتن ۔ ڈسٹرکٹ اینڈ سیشن جج بہادر علی خان کوں رجسٹرار لاہور ہائیکورٹ تعینات کرڈتا گے او ایندے توں پہلے سینئر جج اینٹی کرپشن لاہور تعینات ہن ۔ڈسٹرکٹ اینڈ سیشن جج بہادر علی خان رجسٹرار لاہور ہائیکورٹ دا چارج سنبھال گھدے ۔ ڈی جی ڈسٹرکٹ جوڈیشری ریحان بشیر تے سیشن جج ہیومن ریسورس ساجد علی اعوان کوں وی بدال ڈتے ۔سیشن جج مشتاق احمد اوجلہ ڈی جی ڈسٹرکٹ جوڈیشری اتے سیشن جج سردار طاہر صابر بطور سیشن جج ہیومن ریسورس لاہور ہائی کورٹ تعینات کرڈتے گن جڈاں جو پنجاب جوڈیشل اکیڈمی توں وی بہوں سارے جوڈیشل افسران دی خدمات لاہور ہائی کورٹ کوں واپس کرڈتی گی اے۔۔عدالت عالیہ دے ذرائع موجب عدالت عالیہ لاہور سمیت پنجاب دے ماتحت عدلیہ دے مزید ججز اتے جوڈیشل افسران دے وڈے پیمانے تے تبادلیں دا امکان اے۔ اے پی پی
جسٹس قاسم خان اپنڑیں عہدے ڊا چارج سانبھ گھیدا
) نویں نامزد چیف جسٹس لاہور ہائیکورٹ مسٹر جسٹس قاسم خان خمیس دے ڈینھ عدالت عالیہ دے 50 ویں چیف جسٹس دی حیثیت نال اپنڑے عہدے دا چارج سانبھ گھدے ۔ گورنر ہاوس لاہور اچ حلف چاونڑ دے بعد جڈاں چیف جسٹس لاہور ہائیکورٹ مسٹر قاسم خان عدالت عالیہ پجے تاں انہاں کوں گارڈ آف آنر پیش کیتا گیا، عدالت عالیہ دے ساتھی ججز انہاں دا استقبال کیتا اتے انہاں کوں پھل پیش کیتے ۔ایں موقع تے عدالت عالیہ دے جوڈیشل افسران وی موجود ہن۔چیف جسٹس قاسم خان ججز لاونج اچ ساتھی ججز نال کجھ دیر رسمی ملاقات دے بعد اپنڑے عدالتی فرائض تے کم شروع کرڈتے ۔جسٹس قاسم خان 19 فروری 2010ء کوں لاہور ہائیکورٹ دے ایڈیشنل جج تعینات تھئے۔او 5 جولائی 2021ءتئیں عدالت عالیہ اچ اپنڑے عہدے تے فائرز رہسن ۔مسٹر جسٹس قاسم خان دے بحثیت 50 ویں چیف جسٹس لاہور ہائیکورٹ منصب سنبھالنڑدے بعد لاہور ہائیکورٹ دے جسٹس امیر محمد بھٹی سینئر ترین جج بنڑ گن ۔
