کوئی اندازہ کینی کہ کورونا دا کتنا مقابلہ کرنا ہوسی، عمران خان
کوئی اندازہ کائنی جو کورونا دا کتنا مقابلہ کرنڑے،بغیر چھٹی کیتے مسلسل جدوجہد نال لوکاں دا ہتھ ونڈاونڑا ہوسی،وزیراعظم عمران خان دی رضاکاراں اتے پی ٹی آئی اراکین اسمبلی کوں ہدایت
اسلام آباد (اے پی پی)وزیراعظم عمران خان آکھیے جو کوئی اندازہ کائنی جو کرونا دا کتنا مقابلہ کرنڑے،ایندے کیتے بغیر چھٹی کیتے مسلسل جدوجہد نال لوکاں دا ہتھ ونڈاونڑا ہوسی۔اے گالھ انہاں لاہور اچ پی ٹی آئی دے اراکین اسمبلی اتے رضاکاراں نال ہک تقریب اچ الویندے آکھی۔انہاں ہدایت کیتی جو تساں کرونا دے اوکھے ویلھے کوئی چھٹی نئیں کرنڑی اتے مسلسل جدوجہدکرنڑی اے،اپنڑے حلقے دے عوام دے نال تھیونڑے،تہاڈے مخالفین خدمت کرنڑ نئیں صرف جائیداداں بنڑاونڑ آئن،او مال بنڑاونڑ اتے تنقید توں علاوہ بیا کجھ نئیں کر سگدے۔وزیراعظم آکھیے جیکر تساں ایں اوکھ اچ لوکاں دی مدد کرگھدی تاں کامیاب تھی ویسو،صرف اوہے لوک یاد رکھیے ویسن جیڑھے ایں ویلھے لوکاں دے نال کھڑے ہوسن اتے اوکھ دا مقابلہ کر تے ہی اساں ہک تکڑی قوم بنڑسوں۔
