کورونا نال نبڑن کیتے علمائے کرام دے تعاون دی لوڑھ اے،تیکھے علما کرام نال ملساں، وزیراعظم عمران خان دی معروف عالم دین مولانا طارق جمیل نال گالھ مہاڑ
اسلام آباد (اے پی پی) وزیراعظم عمران خان آکھیے جو کورونا نال نبڑن کیتے علمائے کرام دے تعاون دی لوڑھ اے،تیکھے علما کرام نال ملساں۔
اے گالھ وزیراعظم عمران خان معروف عالم دین مولانا طارق جمیل نال اسلام آباد اچ ملنر ویلھے گالھ مہاڑکریندے آکھی۔وزیراعظم عمران خان مولانا طارق جمیل ولوں کورونا وائرس دے خلاف عوامی آگاہی مہم دی تعریف کیتی اتے آکھیے جو کرونا نال نبڑن کیتے علما کرام دا اہم کردار اے ایں سانگے ماہ رمضان المبارک دے ھوالے نال حکمت عملی کیتے تیکھے صلاح مشورے سانگے آپ علما کرام نال ملساں۔وزیرِ اعظم آکھیے جو حکومتی کوششاں دا مقصد عوام کوں ایں وبا توں بچاونڑ اے،علمائے کرام ہر اوکھے سوکھے ویلھے ہتھ ونڈائے یقین اے جو ماہ رمضان دی حکمت عملی کیتے وی بانھ بیل بنڑسن۔
