حکومت عام لوکاں کوں سوکھ ڈیونڑ کیتے محدود کاروباری سرگرمیاں دی اجازت ڈتی اے،کورونا توں بچنڑ کیتے اقدامات و احتیاط ڈوہیں اپناوو، کورونابارے درست ڈیٹا اتے معلومات تے ودھ توجہ ڈتی ونجے

وزیراعظم عمران خان دا کوویڈ 19 بارے اجلاس نال خطاب

اسلام آباد (اے پی پی) وزیراعظم عمران خان آکھیے جو حکومت عام لوکاں کوں سوکھ ڈیونڑ کیتے محدود کاروباری سرگرمیاں دی اجازت ڈتی اے،کورونا توں بچنڑ کیتے اقدامات و احتیاط ڈوہیں اپناوو، کورونابارے درست ڈیٹا اتے معلومات تے ودھ توجہ ڈتی ونجے۔اے گالھ انہاں خمیس کوں اپنڑے زیر صدارت کوویڈ 19 بارے اجلاس نال خطاب اچ آکھی۔ اجلاس اچ وزیر برائے اقتصادی امور مخدوم خسرو بختیار، وزیر برائے نیشنل فوڈ سیکورٹی سید فخر امام، وزیر برائے منصوبہ بندی اسد عمر، وزیرداخلہ اعجاز احمد شاہ، معاون خصوصی برائے اطلاعات ڈاکٹر فردوس عاشق اعوان، معاون خصوصی برائے صحت، معاون خصوصی ڈاکٹر معید یوسف، وزیرِ اعظم دے فوکل پرسن برائے کوویڈ ڈاکٹر فیصل سلطان و اتے بئے افسران موجود ہن۔وفاقی وزیر برائے منصوبہ بندی اسد عمر اجلاس کوں نیشنل کمانڈ اینڈ آپریشن سنٹردے اج دے اجلاس بارے بریفنگ ڈتی۔ معاون خصوصی برائے صحت ڈاکٹر ظفر مرزا ، فوکل پرسن برائے کوویڈ ڈاکٹر فیصل اتے چیئرمین این ڈی ایم اے وی ملک اچ کورونا وائرس دی موجودہ صورتحال، ٹریکنگ، ٹیسٹنگ اتے قرنطینہ سنٹراں سودھا امدادی سرگرمیاں اتے بئے معاملیاں تے تفصیلات ڈسائن۔

وزیرِ اعظم آکھیا جو کرونا بارے درست اعدادوشمار نال ایندے نال ٹھیک طریقے نال نبڑیا ونج سگدے،حکومت عام لوکاں دا اوکھ ڈیہدے ہوئے سوکھ ڈیونڑ کتیے محدود کاروباری سرگرمیاں دی اجازت ڈتی اے بھل لوک انفرادی اتے اجتماعی طور تے کرونا توں بچنر دے اقدامات اتے اختیاطاں تے ودھ توجہ ڈیون اتے قومی ذمہ داری نبھاون۔ اجلاس اچ فیصلہ کیتا گئے جو اسلام آباد اچ 250 بستریاں دے ایف ڈبلیو او دے وبائی امراض دے ہسپتال اتے قرنطینہ سنٹراالی کار بئے شہراں اچ وی اسینجھے سنٹر بنڑائے ویسن۔ وزیرِ اعظم کرونا دے خلاف میڈیا دے کردار کوں اہم قرار ڈتے اتے ا ٓکھیے جو اوتیکھے علمائے کرام نال ملسن اتے علمائے کرام دی رہنمائی نال ماہ رمضان دی حکمت عملی بنڑائی ویسی۔