بھارتی فوج دی لائن آف کنٹرول تے کیلر اتے رکھ چیکری سیکٹر تے بلااشعال فائرنگ، پاک فوج دا لانس نائیک ،تریمت اتے بالڑی شہید،ہک تریمت اتے بال زخمی، آئی ایس پی آر

راولپنڈی  (اے پی پی) بھارتی فوج لائن آف کنٹرول دے کیلر اتے رکھ چیکری سیکٹر تے بلااشعال فائرنگ کیتی اے جیندے نال پاک فوج دا لانس نائیک علی باز، 52 سالہ تریمت اتے 16 سالہ بالڑی شہید جڈاں جو 55سالہ تریمت اتے 10 سالہ بال زخمی تھی گین۔

آئی ایس پی ا ٓر موجب بھارتی فوج ہک واری ول ایل او سی تے جنگ بندی معاہدے دی خلاف ورزی کیتی اے اتے کیلر سیکٹر تے پاک فوج دی چوکی کوں نشانہ بنڑائے ولدے اچ بھارت کوں وڈا جانی مالی نقصان چاونڑا پئے۔فائرنگ نال پاک فوج دا 34 سالہ لانس نائیک علی بازشہید تھئے۔ بھارتی فوج رکھ چکری سیکٹر تے شہری آبادی کوں نشانہ بنڑائے جیندے نال 52 سالہ تریمت اتے 16 سالہ بالڑی شہید جڈاں جو 55سالہ تریمت اتے 10 سالہ بال زخمی تھی گین۔