،تونسہ ( سرائیکی نیوز۔ نعیم اختر تونسوی ) تونسہ شریف پیف پارٹنر سکول مالکان تے سینکڑاں استاداں دی احتجاجی ریلی،سی ایم پنجاب ھاوس پھج گئی مظاہرین تریھ مہینیاں توں فنڈ دی عدم ادائیگی تے کٹوتیاں تے نویں داخلیاں تے پابندی دیخلاف تقریراں تے نعرے بازی کیتی ۔
مظاہرین دا آکھݨ ھا کہ تیرہ ہزار سکولاں دے تریھ لکھ بال تے چار لکھ خاندان حکومتی نا انصافیاں نال متاثر تھیندی پئے ھن ، وزیر اعلی پنجاب پیف سکولاں دی ادائگیاں دا نوٹس گھنن۔
مظاہرین نے اعلان کیتا کہ اگر تریھ ݙینھ تک ادائیگی نہ کیتی گئی تاں ٨ مئی کوں پنجاب اسمبلی دے سامنڑیں مطالبات دی منظوری تک دھرنہ ݙیسوں۔ سی ایم پنجاب سردار عثمان بزدار ہاوس کوں پولیس نے گھیرے ءچ گھن گھیدا ھِ ، احتجاجی مظاہرہ دے پاروں کراچی توں پشاور انڈس ہائی وے روڈ کئی گھنٹیاں توں بند تھیوݨ نال چھوٹی وݙی گڈیاں دی لمبیاں قطاراں لگ گئیاں ھن۔
