دارالصحت ہسپتال دے بعد عمار ہسپتال تونسہ ھک ننھی جان نگل گیا، معاملہ دبا ݙیتا گئیا
تونسہ (سرائیکی نیوز)دارالصحت ہسپتال دے بعد عمار ہسپتال تونسہ ننھی جان نگل گئیا ، تونسہ دے رھائشی نعیم مندرانی اپنڑیں پتر کوں علاج واسطے عمار ہسپتال گھن گئے جیتھاں ڈاکٹر گل قصرانی تے ہسپتال دے عملے دی غفلت نال غلط ایکسپائر ٹیکا لا ݙیتا جیندی وجہہ نال ست سالہ حسین موقع تے دم توڑ گئیا۔ والدین دھائی ݙیندے رہے لیکن ہسپتال دے عملے نے پولیس دی ملی بھگت نال کجھ نا کیتا معاملے کو دبا ݙیتا، یاد رھاوے کہ گزرن ماہ کراچی دے ھسپتال دارالصحت ءچ وی غلط ٹیکا لا تے بالڑی کوں معذور کر ݙیتا ھا بعد ءچ او وی اپنڑیں جان توں ھار گئی ھائی لیکن وݙے شہار ہوݨ دی وجہہ توں احتجاج ریکارڈ کیتا گئیا تے ہسپتال سیل کر ݙیتا گیا تونسہ پسماندہ شہار ہووݨ دی وجہہ نال نظر انداز کر ݙیتا گئیا پرنٹ تے الیکٹرانک میڈیا نے ایں خبر کوں ہسپتال دے جعلی ڈاکٹراں تے اہلکاراں نال مل ملا تے خبر کوں دبا ݙیتا گئیا اج ھک ہفتے دے بعد وی غریب نعیم مندرانی انصاف دی راہ ݙیکھدے ہووے ایتھا اُتھاں پھیردا رھیا لیکنا انصاف نا ملیا ، نعیم مندرانی تے اہل خانہ نے وزیر اعلی پنجاب عثمان بزدار توں اپیل کیتی کہ انصاف ڈیوایا ونجے تے ہسپتال دے ڈاکٹراں دے خلاف پرچہ درج کروا تے انہاں قاتلاں کوں جلد گرفتار کیتا ونجے تاکہ مزید جاناں دا نقصان نا تھیوے۔
یاد رھاوے کہ درالصحت ہسپتال کوں تاں عارضی طور تے بند کر ݙیتا گئیا لیکن عمار ہسپتال تونسہ کیونکہ غریب شہار ءچ ھِ تے ایندا ڈاکٹر تعلقات رکھیندے جیندے وجہہ نال تاحال کوئی کارروائی نا تھئی سکے۔ والدین اپنڑیں پتر حسین کیتے انصاف دے واسے در در پھردے رہے۔
