طیارہ ڈھاوݨ نال جو گھر تباہ تھئے ھن انہاں کوں معاوضہ ݙیتا ویسی یا کینا؟
کراچی ۔ کمشنر کراچی افتخار شلوانی نے طیارہ ڈھاوݨ دے پاروں نقصان تھیوݨ والے گھراں کوں معاوضے دی ادائیگی توں متعلق مثبت جواب ݙے ݙیتا اکھیا ھِ کہ حتمی جائزہ رپورٹ ایندی تفصیل دا تعین کریسی ۔ اخباری خبر دی مطابق ماڈل کالونی ءچ جمعے دے ݙینھ پاکستان انٹرنیشنل ایئرلائن جہاز کوں یش آوݨ والے حادثے دے نتیجے ءچ مکاناں کون پھجݨ والے نقصان دا اندازہ لاوݨ کیتے ١٩ گھراں دا جائزہ گھیدا گئیا جنہاں دا ڈھانچہ ایں حادثے دی وجہ تورن متاثر تھیا کمشنر کراچی افتخار احمد شلوانی نے ڈسایا کہ انہاں دی تشکیل دی کمیٹی نے سروع کیتا تے اے کم مکمل کرا گھیدا ھِ انہاں توں جئیں متاثرہ گھراں کوں معاوضے دی ادائیگی دے پاروں سوال کیتا گئیا تاں انہاں ایندا مثبت جواب ݙیتا نال ھی انہاں دا اے وی آکھݨ ھا کہ حتمی جائزاتی رپورٹ ءچ ایندی تفصیل دا تعین کریسی۔
کمشنر دا مزید آکھݨ ھا کہ کوئی گھر مکمل طور تے تباہی دا شکار نی تھیا تے ١٥ گھراں دے کجھ حصیاں کوں نقصان پھجیا ھِ انہاں ڈسایا کہ زیادہ تر کیساں ءچ گھراں دا بالائی حصہ متاثر تھئیا جیتھاں انہاں دا تعمیراتی ڈھانچہ تباہ تھیوں نال جہاز نال ٹکرایا تاہم خوش قسمتی نال مکاناں دا اسٹرکچر سلامت رہے ۔ انہاں دے اے وی آکھ ھا کہ ماڈل کالونی کے اسی علاقے ءچ کجھ گڈیاں وی کھڑیاں ھن جیتھاں جہاز تباہ تھیا تے ٹیم اپنڑیں رپورٹ تیار کریندے ہووے انہاں دی تفصیل وی حاصل کریندے پئی ھِ
ایں سلسلے ءچ وزیر ہوا بازی غلام سرور خان نے طیارے دے حادثے ءچ جاں بحق تھیوݨ والے تمام مسافراں دے وارثاں کوں ١٠ لکھ روپے ݙیوݨ دا اعلان کیتا ھا ، کراچی ءچ متاثرہ علاقے دا دورہ کرݨ دے بعد انہاں آکھیا ھا کہ اساں ݙیکھ تے آئے ہیں کافی مکاناں کوں نقصان پھجیا ھِ تے اے وی ݙیٹھا ھِ کہ اتھاں وے لوگاں دی کافی گڈیاں کوں وی نقصان پھجیا ھِ ایں سلسلے ءچ ابتدائی جائزے دا حکم ݙیتا گئیا ھِ تے ݙیکھا ویسی کہ ہر گھر دی مرمت تے بحالی تے جتنا خرچ تھیسی او حکومت وقت برداشت کریسی۔
