تڈی دل دے خلاف آپریشن ، 8700ہیکٹر رقبے تے سپرے کیتا گئے ، ترجمان این ڈی ایم اے
اسلام آباد ۔ سارے ملک اچ تڈی دل دے خلاف آپریشن دے تحت گزریل 24گھنٹے اچ 3 لکھ 46 ہزار ہیکٹر رقبے داسروے جڈاں جو 8700 ہیکٹر رقبہ تے تڈی کوں تلف کرنڑ دا سپرے کیتا گئے ۔ ایں دوران پنجاب دے کہیں وی علاقے توں تڈی دل رپورٹ کائنی تھیا ۔ نیشنل ڈیزاسٹر مینجمنٹ اتھارٹی دے ترجمان موجب ایں ویلھے ملک دے 46 ضلعیں اچ تڈی دل موجود اے ۔ بلوچسستان دے 33، خیبر پختونخوا 8، اتے سندھ دے 5 ضلعے متاثر ہن ۔
بلوچسستان اچ خضدار، آواران، نوشکی، چاغی، گوادر، اتھل، کیچ، پنجگور، خاران، وشک اتے کوئٹہ دے علاوہ خیبر پختونخواہ اچ ڈیرہ اسماعیل خان، ٹانک، جنوبی وزیرستان، لکی مروت، کرک، کرم، اورکزئی ، خیبر ضلعے متاثر ہن۔ سندھ اچ خیرپور، سکھر، شہید بے نظیر آباد، مٹیاری اتے جامشورو اچ تڈی دل دے حملے تھئن ۔گزریل 24گھنٹے اچ پنجاب دے کہیں علاقے توں وی تڈی دل رپورٹ کائنی تھیا تڈی دل دے متاثرہ علاقیں دا سروے تے کنٹرول اپریشن جاری اے ۔ 1119 ٹیماں لوکسٹ کنڑول آپریشن اچ حصہ گھدے ۔ اے پی پی
