کجھ قوتاں پاکستان ءچ استحکام نی چاھدنیاں، شاہ محمود قریشی

وزیر خارجہ شاہ محمود قریشی نے آکھیا ھِ کہ کجھ لوگ پاکستان ءچ استحکام نی ݙیکھݨ چاھندے، کجھ قوتاں پاکستان ءچ معاشی ترقی نی ݙیکھݨ چاھندیاں ایں پاروں سیاسی عدم استحکام پیدا کیتا ویندا پیا ھِ

منگل کوں ٹی چینل دے ھک پروگرام نال گالھ مہاڑ کریندے ہووے وزیر خارجہ شاہ محمود قریشی آکھیا کہ مسئلہ کشمیر چاوݨ تے نویں سازش کیتی ویندی ھِ پاکستان جئیں ویلے معاشی سرگرمیاں ودھاوݨ دی کوشش کریندا ھِ تان سازش تھیندی ھِ

انہاں آکھیا کہ افواج پاکستان نے بے پناہ قبانیاں ݙیتیاں، دہشت گردی دیخلاف وݙی کامیابیاں ملیاں ، شاہ محمود قریشی آکھیا کہ پہلے ہی آکھا ھا کہ سلیپر سلیس کوں ایکٹیو کیتا ویسی۔ بھارت کوں ول ول ناکام دا سامنڑاں کریندا پئے ، بھارت پاکستان مخالف قوتاں دا استعمال کریندا پئے اساں حالات کوں سنجیدگی تے مقبوضہ کشمیر دی صورتحال کوں سمجھنڑاں ہوسی۔

خطے دی صورتحال تے شاہ محمود قریشی دا آکھݨ ھا کہ بھارت دے عزائم واضح ھن تے او پاکستان کوں غیر مستحکم کرݨ چاھندا ھِ بھارت افغانستان ءچ وی امن نی چاھندا کیونکہ افغانستان ءچ امن قائم تھیا تاں بھارت دی اہمیت گھٹ ویسی ۔ شاہ محمود قریشی نے آکھیا کہ لائن آف کنٹرول تے سیز فائر دیخلاف ورزی کریندا پئے بھارت کوں چین توں منہ دی کھادی ھِ بھارت اپنڑیں عوم دی توجہ پاکستان دی طرف مورڑن چاھندے تے پاکستان کوں تمام چیزاں دا ادراک ھِ

سیاسی صورتحال تے شاہ محمود قریشی دا آکھݨ ھا کہ اپوزیشن رہنماواں کوں خطے دی صورتحال دے باوھوݨ دا آکھیا اپوزیشن نے اساݙی گالھ نی منی ، اپوزیشن نے بجٹ تے تمام تر توجہ رکھی ۔ شاہ محمود قریشی مزید ڈسایا کہ اپوزیشن جماعت کوں بھارت دی سازشاں کوں سمجھنڑاں چاھیدا ھِ بلاول بھٹو جو آکھیندا ھا ، کرنا ھا اور کر گھیدا ، اپوزیشن دا کم تنقید کرݨ ھا ، بلوول بھٹو نے قیاس آرائیاں نال کم گھیدا ، اپوزیشن تے وزیر اعظم دے سمارٹ لاک ڈاون تے تنقید کیتی ن لیگ دا ایجنڈا عمران خان توں چھٹکارا ھِ شاہ محمود قریشی نے اے وی آکھیا کہ پاکستانیاں کوں کورونا توں نجات چاھیدی ھِ تے ہر پاکستانی سرمایہ کاری کرن چاھندے۔