نیشنل گرڈ توں کراچی کوں بجلی دی فراہمی بحال تھئی گئی
جامشورو ءچ ٥٠٠ کے وی گرڈ اسٹیشن دا مرمتی کم مکمل کرا گھیدا گئیا جیندے بعد نیشنل گرڈ توں بجلی دی فراہمی ءچ آوݨ والے تعطل کوں مکمل طور تے بحال کر ݙیتا گئیا۔
ترجمان حیسکو دے مطابق جامشورو، ٹھٹہ ، بدین ، کراچی سمیت دیگر علاقیاں ءچ بجلی بحال کر ݙیتی گئی ۔ پولیس نے انڈس ھائی وے نال ترٹ تے ڈھاوݨ والی تاراں ہٹا ݙیتیاں ھن۔
فائربریگیڈ دی چار گڈیاں نے ݙو گھنٹے دی کوششاں دے بعد بھا تے قابو پا گھیدا ، بھا اتنی ھائی کہ پرے توں بھا دی لٹیاں ݙکھائی ݙیندیاں پیاں ھن، ریجنل کنٹرول سینٹر جامشور دے مطابق ھک سو بتری کے وی دے ٹرانسفارمر ءچ اسپارک دی وجہہ نال دھماکے تھئے تے بھا بھڑکی ۔ ترجمان کے الیکٹرک دے مطابق نیشنل گرڈ توں بجلی دی بحال دے پاروں کراچی دی بجلی دی صورتحال ءچ قدرے بہتری آئی ھِ ھن ٦٥٠ میگا واٹ بجلی فراہم کیتی ویندی پعی ھِ رھائش علاقیاں ءچ لوڈ منیجمنٹ وی نی کیتی ویندی پئی ۔
نیشنل گرڈ دے جامشورو گرڈ اسٹیشن ءچ بھا لگݨ نال کراچی کوں بجلی دی سپلائء ءچ ٢٠٠ میگا واٹ دی کمی دا سامنڑاں ھا ، جو نیشنل گرڈ دے عمل دی بروقت تے انتھک کوششاں نال کراچی دی بجلی ءچ قدرے بہتری آئی ھِ ۔ ترجمان دا آکھݨ ھا بجلی توں متعلق شکایات پاروں ١١٨ کال سینٹر ، ٨١١٩ تے ایس ایم ایس یا کے الیکٹرک دے سوشل میڈیا پلیٹ فارم تے رابطہ کرو۔
