ن لیگ دے 4 ڄݨے نواز شریف کوں ہٹاتے آپ اڳواݨ ٻݨݨ چاہندن، پنجاب اچ بلدیاتی انتخابات تیکھے تھیسن، وزیر مملکت اطلاعات و نشریات فرخ حبیب

فیصل آباد۔22 جنوری(اے پی پی)وزیر مملکت برائے اطلاعات و نشریات فرخ حبیب آکھیے جو کورونا دی عالمی وبا دے باوجود وزیر اعظم عمران خان اتے انہاں دی ٹیم دے مثالی اقدامات نال پاکستان دی شرح نمو 5.37 فیصد تئیں پڄ ڳئی اے اتے مسلم لیگ ن دے رہنما مفتاح اسماعیل سودھا ٻئے رہنما وی میڈیا تے ساݙی شرح نمو منیندے پین جیڑھی پائیدار ترقی اتے ٹھوس و مستقل بنیاداں دی اے، اے سابق وزیر خزانہ اسحاق ڈار آلی کار کریڈٹ کارڈ گروتھ نال جعلی اعداد و شمار نال آئی اے نہ پیسے ݙے تے کوڑے سروے کراݨ نال ملی اے۔ انہاں آکھیا جو پنجاب دے بلدیاتی انٹخابات اچ کوئی ابہام کائنی، جموہری لوک تیاری کرن جو پنجاب اچ بلدیاتی انٹخابات تیکھے تھیوݨ آلے ہین۔ او فیصل آباد اچ کتاب دی تقریب رونمائی نال خطاب کریندے پئے ہن۔ انہاں آکھیا جو ن لیگ ݙساوے جو اے مسرور انور کون اے جیئں تہاݙیاں کروڑاں دیاں ٹی ٹیاں لوائن، ملازمین دے اکائونٹس اچوں ارباں روپے کیویں نکلدے پن، منی لانڈرنگ کیویں کیتی اے؟ نواز شریف اتے شہباز شریف کوں آئیں بائیں شائیں کرݨ دی بجائے ولدا ݙیوݨا ہوسی۔