پنجاب حکومت نے مزدوراں دے بالاں کون ملݨ والا وظیفہ بند کر ݙیتا
فیصل آباد (سرائیکی نیوز۔ آن لائن) پنجاب حکومت نے مزدوراں دے بالاں کوں ݙیتا ونجݨ والا ماہانہ وظیفہ بند کر ݙیتا، فیصل آباد ءچ مزدوراں دا آکھݨ ھا کہ پنجاب حکومت دی طرفوں ݙیتا ونجݨ والا ماہانہ ھک ھزار روپے وظیفہ ھݨ بالاں کوں نی ݙیتا ویندا پیا، گزرن چوݙہ مہینیاں توں اے سلسلہ رک چکا ھِ جیندی وجہہ نال والدین اپنڑیں بالاں کوں سکولاں چھوڑواݨ تے مجبور تھئی گئے ھن، تفصیل دے مطابق ایں حوالے نال فیصل آباد دے ضلعی حکوم نال رابطہ کیتا گئیا تاں انہاں ڈسایا کہ ضلعی حکومت دا آکھݨ ھِ کہ پنجاب حکومت فنڈ جاری نی کریندی پئی ، ایں واسطے او بالاں کوں ویفہ نی ݙیندے پئے ۔ واضح رھاوے کہ انہاں ءچوں بیشتر بالاں کوں جبری مشقت توں بچا تے تعلیمی اداریاں ءچ بھیجا گئیا ھا جیتھاں انہاں کوں ھک ھزار روپے مہینہ وی ݙیتا ویندا ھا تاہم ھݨ اے سلسلہ رک گئےا
