پاکستان پیپلزپارٹی دے سینئر رہنما اعتزاز احسن دا آکھݨ ھا کہ نواز شریف کوں نا کوئی بیماری ھِ تے نا ھی او اسپتال ءچ ھک ݙینھ وی زیر علاج رھے ، حکومت ھݨ نواز شریف کوں وطن واپس نی گھن تے آ سکدی۔
حیدر آباد ءچ میڈیا نال گالھ مہاڑ کریندے ہووے پاکستان پیپلزپارٹی دے سینئر رہنما بیرسٹر اعتزاز احسن دا آکھݨ ھا کہ حکومت ھݨ نواز شریف کوں نی گھن تے آ سکدی ، حکومت دی کوئی ڈائریکشن کینی ، قومی اسمبلی دا اپوزیشن لیڈر ایں ویلے باہر بیٹھا ھِ
انہاں ھک سوال کیتا کہ شہباز شریف تے نواز شریف کوں سوٹ کیس ءچ بند کر تے گھن آ سکدے ھیں ؟ میاں صاحب دا ملک توں باہر ونجݨ وݙا انوکھا ریلیف ھا ، حکومت اے آکھیندی رہ گئی کہ انہاں کوں اساں گھن تے آندے پئے ھیں ، ݙونہیں بھیرا ایں ویلے ملک توں باہر ھن ایہو جیاء کمال کڈھیں نی ݙیٹھا گئیا۔ پی پی رہنما دا مزید آکھݨ ھا کہ نواز شریف کوں نا کوئی بیماری ھِ تے نا ھی ھک ݙینھ اسپتال ءچ داخل تھئے ، میڈی اطلاع دے مطابق آصف علی زرداری نواز شریف توں زیادہ بیمار ھن
