ایران پاکستان کوں اضافی بجلی فراہم کریسی، قونصل جنرل ایران
ایران پاکستان کوں اضافی بجلی فراہم کریسی، قونصل جنرل ایران
ایران بجلی دی فراہمی ١٣٠ میگا واٹ توں ودھا کہ ٣ ہزار میگا واٹ تک کرݨ کوں تیار ھِ
اسلام آباد(سرائیکی نیوز) کراچی اچ ایران دے قونصل جنرل احمد محمدی نے آکھیئے کہ ایران پاکستان کوں اضافی بجلی دی فراہمی ١٣٠ میگا واٹ توں ودھا کہ ٣ ہزار میگا واٹ تک کرݨ کوں تیار ھِ اتور کوں اپنڑیں ھک بیان اچ انہاں نے آکھیا کہ ایران گیس پائب لائن پاکستان واسطے توانائی حاصل کرن دا انتہائی منافع بخش سب توں زیادہ محفوظ تِ سستا ذریعہ ھِ اے منصوبہ ڈونہاں ملکاں واسطے اہم ھِ تحران تِ نیو کلیئر پراگرام دے باعث لگݨ والی پابندیاں ختم تھئی چکی ھِ احمد محمدی نے آکھیا کہ ہمسایہ ملک پاکستان دے نال دوستانہ تعلقات ایران دی ترجیحات اچ شامل ھن، انہاں نے آکھیا کہ ایران تِ پاکستان دی سلامتی خوشحالی تِ استحکام دی خواہش رکھیندے ھِ تِ اساڈا یقین ھِ کہ ایران واسطے وی اے فائدہ مند تھیسی۔ انہاں نے اعلان کریندے ہووے آکھیا کہ کراچی اچ ٢٤ ، ٢٧ فروری ٢٠١٧ دے دوران ایران دی مصنوعات دی نمائش منعقد کیتی ویندی پئی ھِ جبکہ اپریل اچ تہران اچ پاکستانی مصنوعات دی نمائش کیتی ویسی۔
