آئی ایم ایف معاھدے نال ملک کوں اقتصادی ترقی اچ مدد ملسی، وزیر اعظم
اسلام آباد ، وزیر اعظم شہباز شریف آکھیا ھِ کہ آئی ایم ایف معاھدے نال زر مبدلہ دے ذخائر مضبوط تھیسن تے ملک کوں معاشی استحکام حاصل ہوسی۔
اپنڑیں ٹویٹ اچ وزیر اعظم شہباز شریف آکھیا کہ الحمداللہ میں خوشی دے نال اعلان کریندا ھاں کہ پاکستان تے آئی ایم ایف دے درمیان اسٹینڈ بائی اریجمنٹ دے طور تے نو ماہ کیتے تریھ ارب ڈالر دا معاھدہ تھئیا ھِ ایں معاملے نال پاکستان دے زرمبادلہ دے ذخائر کوں مضبوط کرݨ، پاکستان کوں معاشی استحکام حاصل کرݨ تے ملک کوں پائیدار اقتصادی ترقی دی راہ تے گامزن کرݨ اچ مدد ملسی۔
انہاں آکھیا کہ وزیر خزانہ اسحاق ڈار تے انہاں دی ٹیم دی کوششاں تے محنت کوں سرھیندا ھاں میں آئی ایم ایف دی ایم ڈی تے انہاں دی ٹیم دے تعاون تے اشتراک تے انہاں دا مشکور ھاں۔
وزیر اطلاعات مریم اورنگزیب آکھیا کہ وزیر اعظم اج سہ پہر ٤ وجے وزیر کزانہ سینیٹر اسحاق ڈار دے نال آئی ایم ایف نال تھیوݨ والے اسٹاف لیول معاھدے توں متعلق لاہور اچ اہم پریس کانفرنس کریسن تے میڈیا دے نال قوم کاں اعتماد اچ گھنسن۔
