لولی وڈ دی سپر اسٹار ھیروئن ماہرہ خان تے ہمایوں سعید خان دے چاھوݨ والیاں واسطے خوش خبری ھِ کہ جلد ھی ڈونہیں ادکاری ھک عرصے بعد ول سکرین تے ڈیکھائی ڈیسن۔ جیا خبراں ھم کہ ہمایوں سعید طویل عرصے بعد اپنڑی ماضی دی رومانوی ھیرون ماہرہ خان دے نال دوبارہ سکرین تے رومنس کریندے ڈکھائی ڈیسن۔ ڈونہیں آخری واری ٢٠١٥ اچ ریلیز تھیوݨ والی فلم بن روئے اچ کٹھے کم کیتا ھا جیندے اچ ڈونہاں دی جوڑی کوں کافی پسند کیتا گئیا ھا ایں توں پہل ڈونہیں ہلی واری ٢٠١١ اچ نیت نامی ڈرامے اچ کٹھے ھن۔ جیندی شوٹنگ امریکا اچ کیتی گئی ھائی تے مذکورہ ڈرامے دے دوران ھی ماہرہ خان تے ھمایوں سعید دے درمیان دوستی تھئی ھائی
ایں ڈرامے دی شوٹنگ دے حوالے نال ماضی اچ ماہرہ خان نے ھک انٹرویو اچ ڈسایا ھا کہ جئیں ویلے او پہلی واری ہمایو ں سعید دے نال کم کرݨ ویندی پئی ھائی تاں انہاں اے سݨ رکھا ھا کہ اداکار عاشق مزاج ھِ ماہرہ خان ڈسایا ھا کہ انہاں ہمایوں سعید دے عاشق مزاج ھووݨ توں متعلق گالھیں سنڑݨ دے بعد شوٹنگ دے دوران ہمایوں سعید تے واضح کیتا ھا کہ او انہاں دے نال کجھ نہ کریسن۔ ھݨ طویل عرصے بعد ڈونہیں اداکار ممکنہ طور تے آئندہ سال تک وڈے پردے تے رومانس کریندے نظر آسن۔ ایں حوالے نال شوبز ویب سائٹ نے اپنڑیں خبر اچ ڈسایا کہ ہمایوں سعید تے ماہرہ خان جلد ہی اپنڑیں رومانوی فلم لو گرو دی شوٹنگ شروع کر ڈیسن۔ جیکوں ممکنہ طور تے آئندہ سال دے آغاز تک ریلیز کیتا ویسی ۔
رپورٹ اچ ڈسایا گئیا کہ فلم دی کہانی واسع چوہدری نے لکھی ھِ جبکہ ایندی ھدایات ندیم بیگ ڈیسن جو کہ ہمایوں سعید دی فلماں دی پہلی وی ھدایات ڈے چکے ھن ۔ رپورٹ دے مطابق فلم کوں ہمایوں سعید تے شہزد نصیب پروڈیوس کریسن تے ایندے اچ دیگر وڈے اداکاراں کوں وی کاسٹ کیتے ونجݨ دا امکان ھِ
Leave a Reply