حق ڈیو تحریک دے سربراہ دی دوبارہ احتجاجی تحریک شروع کرݨ دی دھمکی
حق ڈیو تحریک دے سربراہ مولونا ھدایت الرحمن دا آکھݨ ھِ کہ صوبائی حکومت ایں معاھدے توں پچھی تے ہٹ گئی ھِ جو ایں نے تحریک دے رہنماواں دے نال کیتا ھا ، جیندے بعد گوادار اچ پچھلے اھک سال ھک ماں توں جاری احتجاجی دھرنا ختم کیتا گئیا ھا۔
اخباری رپورٹ دے مطابق گوادر چیمبر آف کامرس اینڈ انڈسٹری دے صدر نوید کلمتی تے حق ڈیو تحریک دے دیگر رہنماواں دے نال پریس کانفرنس کریندے ہووے انہاں دا آکھݨ ھا اگر حکومت نے معاھدے تے عمل درآمد نا کیتا تاں ھک بعے احتجاجی تحریک دا آغاز کیتا ویسی۔ اساں پچھی تے نا ہٹھسوں تے مکران دے عوام دے حق تے سمجھوتا نہ کریسوں جیندی ضمانت آئین پاکستان ڈیندا ھِ ۔ مولانا ھدایت الرحمن نے ڈسایا کہ صوبے دے لوگاں کوں جئیں مسائل دا سامنڑاں ھِ حکومت انہاں کوں حل کرݨ اچ سنجیدہ کینی۔
انہاں بغیر ناں گھیدے ھک قوم پرست جماعت تے مذاکرات کو سبوتاژ کرݨ تے معاھدے تے عملدرآمد اچ رکاوٹاں پاوݨ دا الزام عاڈ کیتا ، انہاں افسوس دا اظہار کریندے ہووے ڈسایا کہ حکومت نے معاھدے اچ موجود ھک وی مطالبے کوں پورا نی کیتا۔
