سپریم کورٹ دے جج جسٹس قاضی فائز عیسی نے پارلیمنٹ اچ اپنڑیں خطاب دے حوالے نال وضاحتی بیان جاری کریندے ہووے آکھیا کہ میں تقریب اچ خطاب توں معذرت کر گھیدی ھائی لیکن جئیں ویلے کجھ تقریراں اچ سیاسی بیانات ڈیتے گئے تاں ول میں کہیں ممکنہ غلط فہمی کوں دور کرں پاروں اے گالھ کیتی
دستور پاکستان دے پنجاھ سال مکمل تھیوݨ تے قومی اسمبلی ھال اچ گزریل ڈینھ منعقد تھیوݨ والی تقریب اچ جسٹس قاضی فائز عیسی نے وی شرکت کر تے اظہار خیال کیتا ھا تاہم ایں تقریر تے انہاں کوں شدید تنقید دا نشانہ بنڑایا گیا ھا۔
سپریم کورٹ آف پاکستان دے پی آر او دی طرفوں جاری وضاحتی بیان اچ جسٹس قاضی فائز عیسی نے آکھیا کہ سپریم کورٹ دے تمام ججاں کوں اسلامی جمہوریہ پاکستان دے آئین دی گولڈن جوبلی مناوݨ پاروں دعوت ڈیتی گئی ھائی۔
انہاں آکھیا کہ اے دعوت قبول کرݨ توں پہل معلومات حاصل کیتی گئی ھائی کہ کیا سیاسی تقریراں کیتیاں ویسین تے انہاں دی یقین دھانیاں کروائی گئی ھائی کہ صرف آئین تے ایندے بنڑاوݨ دے متعلق گالھ مہاڑ تھیسی میکوں بھیجے گئے پروگرام اچ ایندی تصدیق وی کیتی گئی ھائی انہاں دا آکھݨ ھا کہ ایں نکتے دی وضاحت میڈے عملے نے قومی اسمبلی دے ڈپٹی ڈائریکٹر توں کروائی تے ول میں خود وی اسپیکر نال گالھ کیتی تے ایندے عبد ھی دعوت قبول کیتی کیونکہ میں آئین دے نال اظہار یکجہتی کرݨ چاھندا ھاں۔
سپریم کورٹ دے سینئر جج آکھیا کہ میں توں پچھا گئیا ھا کہ کیا تساں تقریر کریسوں میں انہاں توں معذرت کر گھیدی ھاعی لیکن بعض تقریراں اچ سیاسی بیانات ڈیتے گئے تاں ول میں وی گالھ کرݨ پاروں دروخاست کیتی تاکہ کہیں ممکنہ غلط فہمی دا ازالہ تھئی سکے تے ول گالھ کیتی ۔ انہاں دا آکھݨ ھا کہ امر باعث حیرت ھِ کہ بعض لوگاں کوں ایں تے اعتراض ھِ میں کیتھاں بیٹھا ھاں یا میں ایں آئین دی یاد مناوݨ پاروں تقریب اچ شرکت کیوں کیتی ھائی میں ھال دے ھ کونے اچ یا گیلری اچ بہاوݨ کوں ترجیح ڈینداں ھاں لیکن عدلیہ دے ھ فرد دی عزت افزائی پاروں میکوں درمیان اچ بلھایا گیا ھا میں ایں بھاوݨ پاروں کود او جگہ نی چنڑی ۔ جسٹس قاضی فائز عیسی نے آکھیا کہ آئین کوں سیاسی تنوع دے تمام اطراف توں لوگاں دے براہ راست چنڑیں گئے نمائندہ دے نال بنڑایا گیا جو انہاں دی دانشمندی دی گواھی ڈینا ھِ ایں نے کامایبی دے پاروں بانی دے نصب العین اتحاد ، یقین تے نظم دی توثیق کیتی تے ثابت کتیا کہ اگر لوگاں دے مفاد کوں مقدم رکھا ونجے تاں سبھ توں زیادہ گنجلک مسائل وی اخلاص تے جذبے دے نال حل کیتے ونج سکدے ھن ۔ انہاں اکھیا کہ لوگاں دے منتخب نمائندے مکمل احترام دے مستحق ھن تے آل انڈیا مسلم یگ دے سیاستداناں دے بغیر اساں آزادی حاصل نی کر پاندے انہاں آکھیا کہ کنونشن دے منتظمین نے پاکستان دی ھک خصوصی اہمیت دا ڈینھ مناوݨ پاروں سبھ کوں دعوت ڈیتی ھائی تے آئین دی گولڈن جوبلی سب کیتے باعث مسرت ھاڑی۔ اے کہیں مخصوص اارے یا جماعت دا کلہا استحقاق کینی ۔ آئین دی اہمیت سبھ تے واضح کیتی ونجنڑیں چاھیدی ھِ تے اے مسمسل کرنا چاھیدا ھِ
