وزیراعظم محمد شہباز شریف دا فیصل آباد اچ مفت اٹا تقسیم کرݨ دے مرکز دا دورہ، مفٹ اٹا ݙیوݨ دے نظام تے اطمینان کیتا

فیصل آباد ۔11اپریل (اے پی پی) وزیراعظم محمد شہباز شریف دا فیصل آباد اچ مفت اٹا تقسیم کرݨ دے مرکز دا دورہ کیتا اتے نظام دا جائزہ ڳھدا۔ انہاں مفت اٹے ݙیوݨ دے نظام تے اطمینان کیتا۔ منگل کوں فیصل آباد اچ مفت اٹا ݙیوݨ دے مرکز دا دورہ کیتا۔ ایں موقع تے وفاقی وزیر داخلہ رانا ثناء اﷲ اتے وفاقی وزیر اطلاعات تے نشریات مریم اورنگزیب وی انہاں نال ہن۔ وزیراعظم آپ وی مستحقین اچ اٹے دے تھیلے تقسیم کیتے اتے ایں موقع تے تریمتیں توں اٹے دی فراہمی اتے انہاں دے مسائل بارے وی پچھیا۔ تریمتیں مفت اٹا ݙیوݨ تے وزیراعظم دا شکریہ ادا کیتا۔ وزیراعظم مفت اٹا ݙیوݨ دے نظام تے اطمینان کیتا۔ فیصل آباد دے 11 لکھ توں ودھ لوکاں کوں مفت اٹے دے تھیلے ݙتے ویندے پن۔ فیصل آباد دی پنڄ تحصیلاں اچ روز ہک لکھ 25 ہزار تھیلے ݙتے ویندے پے اتے ہر ٹٻر کوں ݙاہ کلو اٹے دے ترائے تھیلے مفت ݙتے ویندے پن۔ مفت اٹا 25 شعبان توں 25 رمضان تئیں ݙتا ویندا پے۔ ملک دی تاریخ اچ پہلی واری غریب عوام کیتے وفاقی حکومت ولوں مفت اٹا ݙتا ویندا پے۔ عوام دی شکایتاں دے ازالے کیتے شکایت سیل وی ٻݨائے ڳن۔