پنجاب تے خیبرپختونخاو ا انتخابات ملتوی کرݨ دیکلاف پاکستان تحریک انصاف دی درخوست تے سماعت کرݨ والے سپریم کورٹ دے پنجھ رکنی بینچ اچ شامل جسٹس امین الدین دی طرفوں سماعت توں معذرت دے بعد موجودہ بینچ دے دیگر چار ججاں دی جمعہ دی سویرے ساڈھے ١١ وجے مقدمے دی سماعت کریسن۔
جسٹس امین الدین نے بینچ اچ باھوݨ توں معذرت کریندے ہووے آکھیا کہ گزریل ڈینھ دے فیصلے دے بعد یں کیس سنڑݨ توں معذرت کرینداں۔
انہاں دا اشارہ گزریل ڈینھ انہاں دے تے جسٹس قاضی فاعز عیسی دی طرفوں جاری تجویز دے پاسے ھا جیندے اچ انہاں سپریم کورٹ آف پاکستان دے رولز بنڑائے ونجݨ تک آرٹیکل ١٨٤ تھری از خود نوٹس دے تمام کیس ملتوی کرݨ دا آکھا ھا۔ تجویز اچ آکھا گئیا ھا کہ آئین تے رولز چیف جسٹس کوں اسپیشل بینچ تشکیل ڈیوݨ دی اجازت نی ڈیندے، آرٹیکل ١٨٤ ، ٣ دے تحت دائر درخواستاں دے حوالے نال رولز موجود ھن ، سوموٹو مقدمات مقرر کرݨ تے بینچز دی تشکیل پاروں رولز موجود کینی، پیمرا دی طرفوں ججاں تے تنقید تے پابندی آئین تے اسلام دیخلاف ھِ
اپنڑیں نوٹ اچ خصوصی بینچ دے ڈو ججاں جسٹس قاضی فاعز عیسی تے جسٹس امین الدین خان نے از خود نوٹس تے آئینی اہمیت دے حامل مقدمات تے سماعت موخر کرݨ دی تجویز ڈینتے ہووے آکھیا کہ رولز بنڑائے ونجݨ تک ١٨٤، ٣ دے تمام کیساں کوں روک ڈونڑاں چاھیدا ھا، پنجھ رکنی لارجر بینچ ٹوٹݨ دے بعد آئندہ دا لائحہ عمل کیا ہوسی ایندے حوالے نال سپریم کورٹ دے ججاں دا چیف جسٹس دے چیمبر اچ اجلاس تھیا تے نویں بینچ دی تشکیل تے کیس کوں اگئی تے ودھاوݨ توں متعلق ججاں نال مشاورت کیتی گئی۔ بعد از سپریم کورٹ آرڈر دے مطابق بینچ دے اراکین دے بارے اچ فیصلہ جمعہ کوں کیتا ویسی تے ایں کیس دا فیصلہ کرݨ والے بینچ اچ جسٹس امین الدین شامل نا ہوسن۔ مقدمے دی مزید سماعت کل سویرے گیارہ ونجے تک ملتوی کر ڈیتی گئی۔
