بین الاقوام مالیاتی فنڈ (آئی ایم ایف ) دا آکھݨ ھا کہ او کورونا وائرس نال متاثرہ تے معاشی اثرات توں متاثر ملکاں دی مدد کیتے ١٠ کھرب ڈالر قرض ݙیوݨ کیتے تیار ھِ واضح رھاوے کہ ١٥ مارچ کوں امریکی فیڈرل ریزرو نے معاشی نمو دی حوصلہ افزائی کیتے سود دی شرح صفر کر ݙیتی ھائی ۔ اخباری رپورٹ دے مطابق علاوہ ایندے واشنگٹن نے معیشت کوں کورونا وائرس دے اثرات توں بچاوݨ سانگے ٧٠٠ ارب ڈالر دے پروگرام وی شروع کیتے ھن ۔
آئی ایم ایف دی منیجنگ ڈائریکٹر کرسٹالینا جورجیفا نے ھک بیان ءچ آکھا کہ آئی ایم ایف رکن ملکاں کیتے ١٠ کھرب ڈالر دے قرض ݙیوݨ کیتے تیار ھِ انہاں آکھیا کہ دفاع دی پہلی لائن دے طور تے فنڈ تیزی نال جاری کیتے ویسن تاکہ بیلس آف پے منٹ نال ݙو چار ملکاں دی مدد کیتی ونج سکے۔
کرسٹالینا جورجیفا دا آکھݨ ھا کہ مذکورہ فنڈ ابھردی تے ترقی پذیر معیشتاں کوں ٥٠ ارب ڈالر تک تے گھٹ آمدنی والے ملکاں کوں ١٠ ارب ڈالر صفر شرح تے سود ݙیتا ویسی ۔
خیال رھاوے کہ آئی ایم ایف مجموعی طور تے ٢٠٠ ارب ڈالر دی ادائیگی دا وعدہ کر چکا ھِ ایں ضمن ءچ آئی ایم ایف دی منیجنگ ڈائریکٹر دا آکھݨ ھا کہ بہوں ایہو جئے معاملات ءچ اے انتظامات بحران دا شکار تے مالی اعانت دے حق دار ملکاں کوں سہارا ݙے سکدے ھن
Leave a Reply