ڈیرہ اسمعیل خان(سرائیکی نیوز۔ ملک بلال سپرا) پی ٹی آئی دے شہید امیدوار برائے صوبائی اسمبلی اکرام اللہ گنڈ پور دے بھیرا انعام اللہ گنڈا پور نے ھک وار ول اپنڑیں بھیرا تے ہوون والے خود کش حملے دا شک علی امین گنڈپور تے ظاہر کر ݙیتا۔ نجی ٹی وی چینل نال گالھ مہاڑ کریندے ہوے انعام اللہ گنڈا پور نے آکھیا کہ انہاں ٢ ھبھیرا خود کش حملے ءچ شہید تھئی طکے ھن لیکن انہاں کوں تحفظ فراہم نی کیتا گئیا خطرات نال پی ٹی آئی دی قیادت کوں پہلے ھی آگاہ کر چکے ھیں لیکن عمران خان نے اساݙی کوئی مدد نی کیتی چیف جسٹس صاحب خدا کیتے ایکسن گھیدا ونجے۔ خیال رھاوے کہ اکرام اللہ گنڈاپور اپنڑیں بھیرا اکرام اللہ گنڈا پور تے خود کش حملے کراوݨ والے ملزمان دی گرفتاری کیتے ݙیتے گئے دھرنے ءچ شرکت کیتے ویندے پئے ھن کہ انہاں کوں خود کش حملے ءچ شہید کر ݙیتا گئیا ۔ ٢٠١٤ دے الیکشن ءچ اکرام اللہ گنڈا پور دے بھیرا اسرار اللہ گنڈا پور تحریک انصاف دی ٹکٹ تے رکن صوبائی اسمبلی منتخب تھئے ھن۔ عید الاضحی دے موقع تے او اپنڑیں حلقے دے لوگاں نال عید ملدے پئے ھن کہ ایں دوران ھک خود کش حملہ تھیا ھا جیندے نتیجے ءچ اسرار گنڈاپور شہید تھئے گئے ھن اسرار اللہ گھر دی راھداری توں تھوڑے فاصلے تے اپنڑیں والد سردار عنایت اللہ گنڈپور دی قبر دے کول کھلے آسمان تلے بیٹھے ھن کہ خود کش حملہ آور ملاقاتیاں دے ھک گروپ دے نال اوتھاں پھجݨ ءچ کامیاب تھئی گئیا ایں توں قبل کہ او عید ملݨ کیتے کرسی توں اٹھدا ھک زور دار دھماکہ تھیا جیندے نتیجے ءچ سردار اسرار اللہ خان گنڈا پور اپنڑیں تریھ ذاتی محافظاں تے چار علاقہ عمائدین دے نال شہید تھئے گئے۔
رواں سال ١٢ جون کوں اسرار اللہ تے اکرام اللہ گنڈا پور دے بھیرا انعام اللہ نے سابق صوبائی وزیر اکرام اللہ خان گنڈا پور دے پتراں دے نال ڈیرہ اسمعیل خان ءچ پریس کانفرنس کیتی جیندے ءچ انہاں الزام لایا کہ انہاں دے بھیرا اسرار اللہ گنڈا پور تے خود کش حملے ءچ سابق صوبائی وزیر مال علی امین گنڈا پور انہاں دے بھیرا عمر امین سمیت ٣ بندے ملوث ھن انعام اللہ گنڈا پور نے چیف جسٹس ثاقب نثار توں ایں واقعے دا از خود نوٹس گھنݨ دا مطالبہ کریندے ہوئے آکھیا ھا کہ خود کش حملہ آور ٥٠ لکھ روپے ءچ خریدا گئیا ھا۔
