سعودی عرب نے پاکستان تے بڄلیاں ݙھا ݙیتیاں، اُو کم کر ݙیتے جیندا کوئی سوچ وی نا سکڊا ھا ، جاݨ تے وزیر اعظم کوں نیندر نا آسی

جدہ(سرائیکی نیوز۔ مانیٹرنگ ڈیسک) پاکستان دی معیشت ھک عرصے توں مصیبتاں اچ گھری ھِ حکومت کوں ملکی و غیر ملکی ادائیگیاں اچ شدید خسارے دا سامنڑاں ھِ تے زر مبادلہ دے ذخائر تیزی نال کم تھیندے پئے ھن روپے دی بے قدری تے ڈالتر دی اوچی اوڈاری نے مسائل مزید سنگین کر ݙیتے ھن تے رہی سہی کشر سعودی عرب نے خام تیل دی قیمت اچ اچانک تے غیر متوقع اضافہ کر تے پوری کر ݙیتی ھِ بلومبرگ دی رپورٹ دے مطابق سعودی عرب نے غیر متوقع طور تے ایشیائی خریداری کیتے عرب لائٹ کروڈ آئل دی قیمت ودھا ݙیتی ھِ سعودی تیل کمپنی ارامکو دی طرفوں عرب لائٹ کروڈ آئل دی قیمت اچ ١٠ سینٹ تقریبان ساڑھے گیارہ پاکستان روپے فی بیرل اضافہ کیتا گئیا ھِ حالانکہ گزشتہ ہفتے تھیون والے ھک سروے دے مطابق ریفائنرز تے تیل دے تاجر توقع کریندے پئے ھن کہ ارامکو دی طرف توں کروڈ آئل دی قیمت اچ ٦٠ سینٹ (تقریبان ٧٠ روپے) فی بیرل کمی کیتی ویسی۔ رپورٹ دے مطابق برینٹ کروڈ آئل دی قیمت اچ ستر سینٹ فی بیرل اضافہ ڈیکھݨ اچ آئے جیں نال ایندی قیمت ٦٨ ڈالر ٩٣ سینٹ تقریبان پاکستانی ٧٩٦١ روپے فی بیرل تھئی گئے علاوہ ازیں وی سعودی عرب دی طرفوں تیل دی زیادہ تر اقسام دی قیمت اچ اضافہ کیتا گئیا ھِ ٢١ توں ١٤ دی قیمتاں اچ اضافہ تے ٧ دی قیمتاں اچ کمی کیتی گئی ھِ جبکہ ھک قسم دے تیل دی قیمت اچ کوئی تبدیلی نی کیتی گئی واضح رھاوے کہ سعودی عرب دی طرفوں تیل دی قیمتاں اچ کمی بیشی بہوں اہمیت دی حامل ہوندی ھِ کیونکہ مشرق وسطی دے تیل پیدا کرݨ والے دیگر ممالک تیل دیاں قیمتاں اچ سعودی عرب دی پیروی کریندے ھن تے انہاں دے اثرات پوری دنیا دی آئل مارکیٹاں تے مرتب تھیندے ھن سعودی عرب دی طرفوں تیل دی قیمت اچ اچانک اضافہ تے او وی ھک ایہو جئے موقع تے کہ جئیں ویلے اساݙے ھاں الیکشن دی آمد آمد ھِ پہلے توں مالی مشکلات اچ گھری حکومت کیتے یقینا اے خبر چنگی کینی