صادق آباد صدر تھانڑاں پولیس نے چادر تے چار دیواری دا تقدس پامال کر ڈیتا، مظاہرین
اساں کوں مسلم لیگ ن کوں ووٹ نا ڈیون دی سزا ملدی پئی ھِ پولیس دی بلیک میلنگ ، تے تشدید دی انتہا تھئی گئی ھِ اساں کوں اصاف فراہم کیتا ونجے ، احتجاج
صادق آباد(سرائیکی نیوز۔ محمد رمضان تھیم) صدر پولیس دا تریجھی وار گھر تے دھاوا، خواتین تے مبینہ تشدد تے لڑکے کوں موٹر سائیکل چوری کرݨ دا الزام لا تے تھانڑاں صدر پولیس نے حوالات اچ بند کر ڈیتا، ورثاء نے نمائندہ سرائیکی نیوز کوں ڈسایا کہ پولیس نے مقدمہ دے بغیر چار ڈنہوار تھانڑیں اچ رکھا رشوت گھن تے چھوڑا ھا، انہاں آکھیا کہ اساڈے خاندان کوں مقدمہ نی پولیس صرف مسلم لیگ ن کوں ووٹ نا ڈیون دی سزا ڈیندی پئی ھِ ، انہاں نے اعلی حکام توں ایں واقعے دا فوری نوٹس گھن دا مطالبہ کیتا تے آکھیا کہ پولیس اپنڑی غنڈہ گردی بند کرے تے چار دیوار دا تقدس بحال رکھے۔ احتجاج کریندے مظاہرین نے وزیر اعلی پنجاب شہباز شریف توں مطالبہ کیتا کہ پولیس دے ویس اچ کالیاں بھیڈاں کوں جلد پکڑا ونجے تے انہاں دے خلاف کارروائی عمل اچ گھن تے آئی ونجے تے اساں کوں انصاف فراہم کیتا ونجے۔
