نواز شریف دا ھک نظریہ ھِ اُو نظریہ کرپشن ھِ ، عمران خان
ختم نبوت قانون کوں چھیڑن دی کیا ضرورت ھائی؟ کیں کوں خوش کرن واسطے قانون اچ تبدیلی کیتی؟
بہاولنگر(سرائیکی نیوز) چیئرمین تحریک انصاف عمران خان آکھیندے ھن کہ خیبرپختونخواہ دی پولیس میرٹ تے تیار کیتی ھِ جئیں نے پشاور اچ کارنامہ ڈکھائے ملک بھر اچ پولیس کوں میرٹ تے گھن آونڑاں ہوسی، چشتیاں اچ جلسے توں خطاب اچ گولے کہ نواز شریف واقعی ھک نظریے دا ناں ھِ لیکن اے نظریہ کرپشن ھِ تحصیل بہاولنگر دے علاقے چشتیاں اچ پاکستان تحریک انصاف نے عوامی طاقت دا مظاہرہ کیتے، چیئرمن پی ٹی آئی نے خطاب کریندے ہووے مخالفین تے خوب بمباری کیتی ، نال ھی خیبر پختون خان پولیس دے واسطے تعریفاں دے پل وی بدھ ڈیتے۔ پی ٹی آئی سربراہ ڈسیندن کہ اج تک پختون خوان اچ پولیس دے خلاف کوئی شکایتی نی ملی کے پی پولیس نے زرعی ڈائریکٹوریٹ حملے دے دوران بروقت کارروائے کریندے ہووے وڈا قتل عام تھیون تون بچا گھیدے اساڈی کوشش ھِ کہ پولیس اچ تبادلے تے پرموشن میرٹ تے تھیون اساڈی حکومت آئی تاں ملک دی پولیس کوں میرٹ تے گھن آسوں تے سیاسی مداخلت ختم کر ڈیسوں، انہاں نے آکھیا کہ کمزواں کوں انصاف نی ملدا ، طاقتور کوں پولیس نی پکڑیندی، پولیس عوام دی دشمن بن ویندی ھِ عوام پولیس توں ڈردن ، پنجاب اچ سارے ایس ایچ اوز دا تبادلہ رائے ونڈ توں تھیندے، حمزہ شہباز تے مریم نواز پولیس افسران دے تبادلے کریندے ھن، عمران کان سابق وزیر اعظم نواز شریف کوں میر جعفر تے میر صادق نال تشبیہ ڈیندے ہووے آکھے ہ ختم نبوت قانون کوں چھیڑن دی کیا ضرورت ھائی؟ کیں کوں خوش کرن واسطے قانون اچ تبدیلی کیتی؟ میں دعوے نال آکھینداں ھاں کہ نواز شریف کرپشن دا پیسہ بچاون واسطے کوئی وی سمجھوتہ کر سکدے، نواز شریف اپنڑی ذات تے رقم دی خاطر عدالیہ کوں تباہ کرن کوں تیار ھِ خواجہ آصف ١٦ لکھ روپے مہینہ تنخوان گھیندا بیٹھے چیئرمین تحریک انساف دا آکھن ھِ کہ حدیبیہ پیپر مل کیس اچ پعری شریف خاندان دا ناں ھِ خواجہ آصف نے دبی اچ اپنڑی جعلی کمپنی دے نال کنٹریکٹ سائن کیتا ھِ ملک دا وزیر خارجہ ڈوجہے ملک اچ کہیں کمپنی توں تنخوان گھیندا رہے جبکہ وزیر داخلہ احسن اقبال دے کول سعودی عرب دا اقامہ ھِ انہاں نے چیئرمین نیب توں درخواست کیتی کہ او احسن اقبال دا اقامہ چیک کرن۔
