بصارت توں محروم بھینڑیں نوکری واسطے کراچی پھج گئیاں

معذوراں دے کوٹے اچ اساں کوں نوکری ڈیتی ونجے تاکہ گھر دے حالات بہتر تھؑی ونجن

حیدر آباد(سرائیکی نیوز) حیدر آباد دی رہائشی ڈو نابینا بھینڑیں وی سرکاری نوکری واسطے کراچی پھج گئیاں تفصیل دے مطابق حیدر آباد دی رہائشی شمائلہ تے ارم وی احتجاج واسطے کراچی پھج گئیاں اے ڈونہیں بھینڑیں بصارت توں محروم ضرور ھن لیکن ڈونہیں بھینڑیں تریھ سالاں توں اپنڑیں حقوق دی خاطر سڑکاں دی راہ لبھ گھیدی ھِ شمائلہ تے ارم آکھیندی ھِ کہ معذوراں دے کوٹے اچ اساں کوں نوکری ڈیتی ونجے تاکہ گھر دے حالات بہتر تھؑی ونجن ماں چوڑیاں بنڑیندی ھِ تے پیو بیمار ھِ گھر دے اخراجات چاون اتنا آسان کینی، ارم تاں اپنڑاں حق گھیدے بغیر واپس ونجن کوں تیار ہی کینی۔