پی آئی اے جہاز اچ عمران دی دھیی دی پیدائش
کراچی(سرائیکی نیوز) منگل دی سویر پاکستان دی فضائی کمپنی پاکستان انٹرنیشنل ایئر لائن (پی آئی اے) دی پرواز اچ ھک خاتون نے بالڑی کوں جما ڈیتا، تفصیل دے مطابق مدینہ توں ملتان آون والی پی آئی اے دی فلیٹ پی کے 716 اچ ھک بالڑی دی پیدائش تھئی گئی جیندا رخ بوجہ موسمی خرابی کراچی موڑ ڈیتا گئیا ھا ، پرواز سعودی عرب دے مقامی وقت دے مطابق اتوار دی رات ساڈے گیارہ ،وجے روانہ تھیونڑی ھائی لیکن تقریبا پونا گھنٹا تاخیر نال روانہ تھئی تے رستے اچ ایندا رخ کراچی دی طرف کر ڈیتا گئیا بالڑی دے پیو دا ناں عمران تے والدہ دا ناں کوثر ھا جو سعودی عرب اچ قیام پذیر ھن تے انہاں دا تعلق ملتان دے نیڑے ھک دیہات نال ھِ بالڑی دا کراچی دے بین الاقوامی ہوائی اڈے تے موجود سول ایویشن دے ڈاکٹرز نے پیدائش دے بعد ابتدائی چیک اپ کیتا پی آئی اے دے ترجمان مشہور تاجور نے ڈسایا کہ پی آئی اے دے عملہ نے زچہ بچہ ڈونہاں کوں تمام تر مدد فرام کیتی ھِ ڈونہیں زچہ تے بچہ خیر و عافیت نال ھن ، بالڑی دی پیدائش قبل از وقت ھِ کیونکہ سول ایویشن تے پی آئی اے دے قوانین دے تحت 32 ہفتے دے حمل دے بعد خواتین سفر نی کر سکدی تے ایں توں قبل سفر کرن واسطے انہاں کوں والدین دی طرفوں حلف نامہ جمع کرواونڑاں ہوندے جبکہ بین الاقوامی بین الاقوامی تے علاقائی پروازاں واسطے پی آئے دے ڈاکٹر دا سرٹفیکیٹ وی درکار ہوندے۔
