مینہ دی وجہہ توں چھت ڈھہ گئی ، ٤ بھیرا جاں بحق ٢ بندے زخمی
نکانہ صاحب(سرائیکی نیوز) پنجاب دے علاقے ننکانہ صاحب اچ مینہ دی وجہہ توں چھت ڈھہ گئی جیندے نتیجے اچ چار بھیرا جاں بحق تھئی گئے جبکہ ماں تے بھینڑ زخمی تھئی گئے، تفصیل دے مطابق ننکانہ صاحب دے دیہات بھورو اچ بارش دی وجہہ توں گھر دی چھت ڈھاون نال چار بھیرا جاں بحق تے ڈو بندے زخمی تھئی گئے۔ مددگار ذرائع دے مطابق شاہ کوٹ اچ صفدر آباد روڈ تے بوڑو دیات اچ رات چرک تک باری تھیندی رھئی جیندی وجہہ توں چھت ڈھہ گئی، مرن والیاں اچ ١٧ سالہ اویس ١٢ سالہ وحید ١٠ سالہ نور مصطفی تے ٥ سالہ شرجیل شامل ھن جبکہ زخمیاں اچ ٣٨ سالہ ریحانہ تے ٢ سالہ سحر فاطہمہ شامل ھن لاشاں کوں ضروری کارروائی تے زخمیاں کوں فوری امداد دے واسطے تحصیل ھیڈ کوارٹرز ٹی ایچ کیو ہسپتال شاہ کوٹ اچ منتقل کر ڈیتا گئے۔
