پیر سیال شریف دا حکومت تے ن لیگ توں لا تعلقی دا اعلان

10 دسمبر کوں فیصل آباد دھوبی گھاٹ اچ ختم نبوت کنونشن دا انعقاد کیتا ویسی جیندے اچ ایم این اے ، ایم پی ایز تے سینیٹرز اپنڑاں استعفی ڈیسن

فیصل آباد(سرائیکی نیوز) درگاہ پیر سیال شریف دے گدی نشین پیر حمیدالدین سیالوی نے حکومت تے مسلم لیگ ن توں لا تعلقی دا اعلان کر ڈیتا قاسم سیاسلوی نے ڈسایا کہ آئندہ الیکشن اچ ن لیگ دے نال نا ہوسن، اتوار کوں فیصل آباد دے دھوبی گھاٹ اچ ختم نبوت کنونشن تھیسی درگاہ پیر سیال شریف دے گدی نشین پیر حمید سیالوی نے حکومت وقت تے ن لیگ توں لا تعلقی دا اعلان کر ڈیتا سیال شریف اچ پریس کانفرنس کریندے ہووے پیر صاحب ن لیگ تے وس پئے آکھا کہ ختم نبوت تے کامل یقین رکھیندن رانا ثناء اللہ دے استعفی تے حکومت کوں مزید مہلت نا ڈیسوں ۔ انہاں دے صاحبزادے قاسم سیالوی دا آکھن ھا کہ 10 دسمبر کوں فیصل آباد دھوبی گھاٹ اچ ختم نبوت کنونشن دا انعقاد کیتا ویسی جیندے اچ ایم این اے ، ایم پی ایز تے سینیٹرز اپنڑاں استعفی ڈیسن۔

پیر حمید الدین سیالوی نے آئندہ عام انتخابات اچ مسلم لیگ نواز دا ساتھ نا ڈیون دا وی اعلان کر ڈیتا واضح رھاوے کہ ختم نبوت صلی اللہ علیہ و آلہ و سلم دے حلف نامے اچ ترمیم توں متعلق مسلم لیگ ن دے کئی اراکین قومی و صوبائی اسمبلی دی طرفوں تحفظات دا اظہار کیتا گئیا ھا تے متعدد اراکین اسمبلی نے اپنڑیں استعفے خواجہ حمید الدین سیالوی کول جمع کرا ڈیتے ھن