راولپنڈی ۔8مارچ(اے پی پی):پاک بحریہ دی مشق سی اسپارک 2024 مک ڳئی۔ آئی ایس پی آر دے مطابق چھیکڑی تقریب دے مہمان خصوصی چیف آف دی نیول اسٹاف ایڈمرل نوید اشرف ہن۔
ڈپٹی چیف آف نیول اسٹاف (آپریشنز) مشق دیاں سرگرمیاں سانڳے مروجہ حکمت عملی دیاں سفارشات پیش کیتن۔ مشق اچ پاک بحریہ دے سارے جنگی اثاثے بشمول بحری و فضائی جہاز، آبدوزاں، ائیر ڈیفنس ریڈارز جنگ اچ پیش آوݨ آلے عملی اقدامات کر ݙکھائن اتے لائیو میزائل فائرنگ کیتی ڳئی۔
مشق اچ دشمن دے بحری بیڑے کوں سمندر اچ جوائنٹ آپریشن نال چٹݨ دی مشق کیتی ڳئی۔ مشق اچ پاک بحریہ دے نال نال پی ایم ایس اے، پاکستان آرمی اتے پاک فضائیہ دے اہلکار اتے جنگی اثاثیاں جوائنٹ آپریشنز اچ حصہ ڳھدے۔ تقریب اچ متعلقہ وزارتاں اتے افواج پاکستان دے اعلیٰ عہدیداراں وی شرکت کیتی۔
