پاکستان اچ بیماریاں دا علاج مہانگا اے، بیماریاں توں بچاؤ نال ملک دے نظام صحت تے دباؤ ڳھٹ تھیسے، صدر مملکت ڈاکٹر عارف علوی

اسلام آباد۔27فروری  (اے پی پی) صدر مملکت ڈاکٹر عارف علوی امراض دے علاج توں ودھ بچاؤ تے توجہ ݙیوݨ دی لوڑھ تے زور ݙیندیں ہوئیں آکھیا جو پاکستان اچ بیماریاں دا علاج مہانگا اے، بیماریاں توں بچاؤ نال ملک دے نظام صحت تے دباؤ ڳھٹ تھیسے۔ لوکاں اچ احتیاط کرݨ بارے شعور ݙیوݨ دی لوڑھ اے، او منگل کوں پاکستان نیشنل ہارٹ ایسوسی ایشن (پناہ) دے وفد  نال ملاقات اچ ڳالھ مہاڑ کریندے پئے ہن۔  پناہ دے صدر میجر جنرل (ر) مسعود الرحمٰن کیانی صدر ِمملکت کوں غیر متعدی بیماریاں اتے امراضِ قلب بارے پناہ دے کردار تے بریفنگ ݙتی۔ صدرمملکت ایں موقع تے آکھیا جو پاکستان اچ بیماریاں دا علاج مہانگا اے، بیماریاں توں بچاؤ نال ملک دے نظام صحت تے دباؤ ڳھٹ تھیسے۔