نگران وفاقی وزیر اطلاعات، نشریات تے پارلیمانی امور مرتضیٰ سولنگی دا قومی اسمبلی سیکریٹریٹ اتے قومی اسمبلی ہال دا دورہ، قومی اسمبلی دے افتتاحی اجلاس دے انتظامات دا جائزہ ڳھدا

اسلام آباد۔28فروری  (اے پی پی) نگراں وفاقی وزیر اطلاعات، نشریات تے پارلیمانی امور مرتضیٰ سولنگی نومنتخب اسمبلی دے افتتاحی اجلاس دے انتظامات دا جائزہ ڳھنݨ کیتے بدھ کوں قومی اسمبلی سیکریٹریٹ اتے قومی اسمبلی ہال دا دورہ کیتا۔ قومی اسمبلی سیکریٹریٹ دے حکام نگراں وفاقی وزیر کوں قومی اسمبلی دے افتتاحی اجلاس دے انتظامات بارے بریفنگ ݙتی۔ ڈی جی میڈیا وفاقی وزیر کوں ݙسیا جو نومنتخب ارکان قومی اسمبلی دی سہولت کیتے قومی اسمبلی سیکریٹریٹ ولوں خصوصی انتظامات کیتے ڳئن۔ انہاں ارکان اسمبلی دی رجسٹریشن، انہاں کیتے ضروری دستاویزات دی تیاری اتے قومی اسمبلی دے ضروری قواعد و ضوابط بارے وی ݙسیا۔