عمران خان بنیادی حقوق دیخلاف ورزی دے بے بنیاد الزامات لائندا پئے، شہباز شریف
اسلام آباد: وزیر اعظم شہباز شریف نے آکھیا ھِ کہ تحریک انصاف دے چیئرمین عمران خان لوگاں دے بنیادی حقوق دیخلاف ورزی دے بے بنیاد الزام لائندا پئے۔ سماجی رابطے دی ویب سائٹ ٹویٹر تے اپنڑیں ھک بیان اچ انہاں لکھا کہ اساڈے قانون نافذ کرݨ والے ادارے تے پولیس کوں بدنام کرݨ دے عمران نیازی دی تازہ ترین چال دے پچھوں گندے ارادے دے بارے اچ کوئی غلطی نہ کرو۔ ول وی او ٩ مئی دے المناک واقعات اچ قصور وار ہووݨ تے توجہ ھٹاوݨ کیتے حقوق دی خلاف ورزی دے گمراہ کن تے بے بنیاد الزام لائیندا پئے۔
اپنڑیں گالھ کوں جاری رکھیندے ہووے شہباز شریف آکھیا کہ جو بندہ مسلسل ریاسی اداریاں دیخلاف گندی زبان استعمال کریندے ۔ لوگاں کوں تشدد دا آکھیندے ، ریاستی نسانات تے فوجی تنصیبات تے حملہ کریندے تے شہدا دی یادگاراں کوں ڈھائیندے ، او کہیں وی حد تک ونج سکدے۔
انہاں آکھیا کہ او غلط معلومات کھنڈاوݨ والے آلات دی صدارت کریندا ھِ جو لوگاں کوں بے وقوف بنڑاوݨ پاروں جعلی خبراں کوں طریقہ کار نال لائیندا ھِ ایں بارے اچ سبھ کجھ نفرت، تقسیم تے کوڑ ھِ
